00:17 19 հոկտեմբերի 2017
Ուղիղ եթեր
Иерусалим, армянский квартал

Երբ այցելեք Երուսաղեմ, չմոռանաք զբոսնել Հայկական թաղամասում

Алексей Железнов
Աշխարհ
Ստանալ կարճ հղումը
467 0 0

Երուսաղեմի հայկական թաղամասը Երուսաղեմի բացառիկ, յուրօրինակ մասն է, որը մեկ անգամ այցելելուց հետո երբեք չեք մոռանա

ԵՐԵՎԱՆ, 29 հուլիսի – Sputnik. Tripadvisor զբոսաշրջային առցանց տեղեկատուն կազմել է այն օբյեկտների ցանկը, որոնք պետք է անպայման տեսնել և այցելել Երուսաղեմում հանգստանալու ընթացքում, գրում է  novostink.ru-ն` հղում անելով artsakhpress.am–ին։
«30 վայրեր, որտեղ պետք է այցելել Երուսաղեմում» խորագրով ցանկում ներառված են նաեւ Երուսաղեմի հին հատվածում գործող հայ վարպետների կերամիկական արվեստի կենտրոնն ու Երուսաղեմի հայկական թաղամասը:

«Հին Երուսաղեմում գտնվող խեցեգործության կենտրոնն այն բացառիկ վայրերից է, որտեղ կարելի է գտնել հայ վարպետի ձեռքով պատրաստված խեցե առանձնահատուկ իրեր։ Դրանք կարող են ծառայել ինչպես հուշանվեր, այնպես էլ լավագույն նվեր Երուսաղեմից»,– ասվում է հոդվածում։

Ինչ վերաբերում է Երուսաղեմի Հայկական թաղամասին, ապա պարզվել է, որ դա զբոսաշրջիկների սիրելի վայրերից է։

«Երուսաղեմի Հայկական թաղամասն այդ ֆանտաստիկ քաղաքի կոլորիտի մի մասն է։ Դա հանգստյան լավագույն վայրերից է, որտեղ անպայման պետք է զբոսնել։ Թաղամասը Երուսաղեմի բացառիկ, յուրօրինակ մասն է, որը մեկ անգամ այցելելուց հետո երբեք չես մոռանա։ Թաղամասի տարբեր փողոցները լրացնում են միմյանց։ Յուրօրինակ նեղ փողոցները, շուկան այնքան համահունչ են և միավորում են միանգամից մի քանի դարաշրջաններ և մշակույթներ։ Պարզապես հաճելի է զբոսնել թաղամասի այդ նեղլիկ փողոցներով, շնչել պատմության հետքը կրող օդը և երջանիկ լինել այն փաստից, որ կարողացել ես զգալ անցյալի շունչը»,– ասվում է հոդվածում։

Tripadvisor–ի մասնագետները զբոսաշրջային զանազան խորհուրդներ և վարկանշային աղյուսակներ են կազմում ինչպես զբոսավարների, այնպես էլ զբոսաշրջիկների գրառումների և արձագանքների հիման վրա։

Գլխավոր թեմաներ