ԶԼՄ. ՖԻՖԱ–ն կհրապարակի նոր նախագահի աշխատավարձի չափը

ԵՐԵՎԱՆ, 30 հուլիսի – Sputnik.  ՈՒԵՖԱ–ի նախագահ Միշել Պլատինին պատրաստ է հրապարակել իր աշխատավարձի չափը, եթե հաղթի ՖԻՖԱ–ի ղեկավարի ընտրություններում, Twitter–ի իր միկրոբլոգում գրել է Բի–բի–սիի լրագրող Դեն Ռոանը։

Պլատինին չորեքշաբթի պաշտոնապես հայտարարել է, որ իր թեկնածությունը կառաջադրի ՖԻՖԱ–ի նախագահի` 2016 թվականի փետրվարին կայանալիք ընտրություններին
Ինչպես ավելի վաղ «Р-Спорт» գործակալությանը հայտնել էին ՈՒԵՖԱ–ի մամուլի ծառայությունից, երկու կազմակերպությունների օրենսդրություններն էլ թույլ է տալիս Պլատինիին համատեղել պաշտոնները։

Լրագրողի աղբյուրը հավաստիացրել է, որ Պլատինին հաղթանակի պարագայում չի սպասի կազմակերպության կոնգրեսի հավանությանը, որպեսզի հրապարակի ղեկավարի աշխատավարձի չափը։

Ավելի վաղ ՖԻՖԱ–ի ղեկավարի պաշտոնի քվեարկության համար իրենց թեկնածությունն առաջադրելու ցանկություն էին հայտնել ֆրանսիացի նախկին ֆուտբոլիստ Դավիթ Ժինոլան, Հորդանանի արքայազն Ալի բին Ալ–Հուսեյնը, ՖԻՖԱ–ի նախկին փոխնախագահը և Կորեայի ֆուտբոլային ասոցիացիայի նախկին ղեկավար հարավկորեացի Չոն Մոնջուն, Մոսկվայի ԲԿՄԱ–ի նախկին գլխավոր մարզիչ բրազիլացի Զիկոն, Լիբերիայի Ֆուտբոլային ասոցիացիայի նախագահ Մուսա Բիլիտին։