23:12 19 հունվարի 2017
Ուղիղ եթեր
МОСКВА МИД ЗДАНИЕ

ՌԴ ԱԳՆ. Boeing–ի վթարի քննության հարցով միջազգային դատարան ստեղծելու նախաձեռնության հեղինակները քաղաքականացրել են այդ հարցը

© Sputnik/ Валерий Шустов
Աշխարհ
Ստանալ կարճ հղումը
7 0 0

Ռուսաստանի Դաշնությունը, որն ամեն կերպ ձգտում է ինքնաթիռի վթարի հարցը տեղափոխել կառուցողական հուն, հնարավոր չի համարել թույլատրել ՄԱԿ–ի ԱԽ–ին պարտադրվող քաղաքական որոշումը և դեմ է քվեարկել, նշվում է ՌԴ ԱԳՆ–ի հաղորդագրության մեջ

ԵՐԵՎԱՆ, 30 հուլիսի– Sputnik. Մոսկվան կարծում է, որ Դոնբասում մալայզիական Boeing–ի վթարի քննության հարցով միջազգային դատարան ստեղծելու նախաձեռնության հեղինակները քաղաքականացրել են այդ հարցը, նշվում է հինգշաբթի ՌԴ ԱԳՆ–ի տարածած հաղորդագրության մեջ։

«Նման պայմաններում Ռուսաստանի Դաշնությունը, որն ամեն կերպ ձգտում է կանխել պառակտումը ՄԱԿ–ի ԱԽ–ում և հարցը տեղափոխել կառուցողական հուն, հնարավոր չի համարել թույլատրել Անվտանգության խորհրդին պարտադրվող քաղաքական որոշումը և դեմ է քվեարկել», – նշվում է հաղորդագրության մեջ, հաղորդում է ՌԻԱ Նովոստին։

Մալայզիական ավիաընկերության Ամստերդամ–Կուալա Լումպուր չվերթի Boeing 777 ինքնաթիռը վթարի էր ենթարկվել նախորդ տարվա հուլիսի 17–ին Դոնեցկի մարզում։ Ինքնաթիռում եղած բոլոր 298 ուղևորները մահացել էին։ Կիևը վթարի համար մեղադրել էր աշխարհազորայիններին, բայց նրանք հայտարարել են, որ չունեն այնպիսի միջոցներ, որոնցով կկարողանային ոչնչացնել օդանավն այդպիսի բարձրության վրա։ Նիդեռլանդների անվտանգության խորհրդի` վթարի պատճառների վերաբերյալ վերջնական զեկույցը կհրապարակվի 2015 թ.–ի հոկտեմբերի առաջին կեսին։

ՌԴ ԱԳՆ–ից նշել են նաև, որ Ռուսաստանը կշարունակի աջակցել Դոնբասում մալայզիական Boeing–ի ավիավթարի քննությանը

«Կցանկանայինք ևս մեկ անգամ վերահաստատել, որ հետամուտ ենք մալայզիական ինքնաթիռի վթարի մանրամասն և անաչառ քննությանը։ Ռուսաստանն այսուհետ ևս կգործադրի ակտիվ ջանքեր` ուղղված ավիավթարի քննության համակողմանի աջակցությանը», – հայտարարել է ՌԴ ԱԳՆ–ն։

Գլխավոր թեմաներ