Վիճակագրություն. աշխարհում ամենաերկարակյաց կանայք ճապոնուհիներն են

ԵՐԵՎԱՆ, 30 հուլիսի – Sputnik. Ճապոնիայի առողջապահության, աշխատանքի և  բարեկեցության նախարարությունը հինգշաբթի տվյալներ է հրապարակել, որոնց համաձայն` երկրում աճել է կյանքի միջին տևողությունը. 2014 թվականին տղամարդկանց շրջանում այն կազմել է 80.5 տարի, իսկ կանանց շրջանում` 86.83 տարի։

Մեկ տարվա ընթացքում տղամարդկանց կյանքի տևողությունն աճել է 0.29 տարով, իսկ կանանցը կյանքի տևողությունը` 0.22 տարով, նշում է ՌԻԱ Նովոստին։

Նախարարությունը նշում է, որ Ճապոնիայի կանայք 6.33 տարով ավել են ապրում, քան տղամարդիկ։

Հրապարակված տվյալները վկայում են նաև, որ Ճապոնիայում կանայք ավելի երկար են ապրում, քան այլ երկրներում։ Ինչ վերաբերում է Ճապոնիայի տղամարդկանց, ապա նրանց կյանքի տևողությունը միջինում ավելի կարճ է, քան Իսլանդիայում (80,8 տարի)։