09:39 20 հունվարի 2017
Ուղիղ եթեր
МН17 , крушение, самолет, Малайзийские авиалинии

Ռեյունյոն կղզում գտնված ինքնաթիռի բեկորներն ուսումնասիրում են Ֆրանսիայում

© TSN
Աշխարհ
Ստանալ կարճ հղումը
6 0 0

Բեկորը, «ամենայն հավանականությամբ», պատկանում է 2014թ.–ի մարտին կորած Boeing-777–ին, նշել է Մալայզիայի վարչապետ Նաջիբ Ռազակը

ԵՐԵՎԱՆ, հուլիսի 30– Sputnik. Հնդկական օվկիանոսում Ռեյունյոն կղզում գտնված ինքնաթիռի բեկորը կտեղափոխվի ֆրանսիական Թուլուզ քաղաք` հետազոտություն անցկացնելու համար, հինգշաբթի հայտարարել է Մալայզիայի վարչապետ Նաջիբ Ռազակը։

ՌԻԱ Նովոստիի համաձայն, վարչապետը նաև նշել է, որ բեկորը, «ամենայն հավանականությամբ», պատկանում է 2014թ.–ի մարտին անհետացած Boeing-777–ին։

Չորեքշաբթի գտնված թևի բեկորը կուղղորդվի Թուլուզ քաղաքի Ավիավթարների հետաքննության բյուրո, որտեղ մասնագետները փորձում են պարզել, թե արդյոք բեկորը Boeing-777–ի մաս է։

Վարչապետը նաև հավելել է, որ չնայած «կեղծ տագնապի» բազմաթիվ դեպքերին` մալայզիական կառավարությունը չի կորցնում ինքնաթիռը գտնելու հույսերը։

Չորեշաբթի Հնդկական օվկիանոսի Ռեյունյոն ֆրանսիական կղզում գտել են անհայտ ինքնաթիռի թևի բեկորը։ Տեղի մասնագետներն առաջադրել են բեկորի ծագման երեք տարբերակներ, ըստ դրանցից մեկի այն կարող է պատկանել 2014թ.–ին կորած մալայզիական Boeing–ին։

Boeing ընկերությունը հաստատել է, որ Ռեյունյոն կղզում գտնված ինքնաթիռի բեկորը պատկանում է Boeing-777–ին, իսկ տեղում աշխատող BEA–ի մասնագետները հայտարարել է, որ «տվյալ փուլում բեկորի ծագումը չի հաստատվել, ոչ մի վարկած չի կարող բացառվել, այդ թվում` վարկածն այն մասին, որ դա Boeing-777–ի բեկոր է»։

2014թ.–ի մարտի 8–ի գիշերը Malaysia Airlines ավիաընկերության Boeing 777-200 օդանավը, որն իրականացնում էր MH370 չվերթը Կուալա Լումպուրից Պեկին, 227 ուղևորներով և անձնակազմի 12 անդամներով, ներառյալ զբոսաշրջիկներ Ռուսաստանից, անհետացել է ռադարների էկրաններից։ Ենթադրվում է, որ ինքնաթիռը վթարի է ենթարկվել Հնդկական օվկիանոսի հարավային մասում։

Գլխավոր թեմաներ