09:43 20 հունվարի 2017
Ուղիղ եթեր
Фестиваль викингов в Калининградской области

Ինչպես կաճի Երկրի բնակչությունը 85 տարվա ընթացքում

© Sputnik/ Игорь Зарембо
Աշխարհ
Ստանալ կարճ հղումը
3 0 0

Ըստ ՄԱԿ–ի զեկույցի` 85 տարվա ընթացքում Երկիր մոլորակի բնակչությունը կհասնի 11.213 միլիարդի

ԵՐԵՎԱՆ, 30 հուլիսի – Sputnik. Մինչև 2100 թվականը Երկրի բնակչությունը կհասնի 11.213 մլրդ–ի, ասվում է ՄԱԿ–ի վերջին զեկույցում, որն ամբողջ աշխարհի և առանձին երկրների ժողովրդագրական կանխատեսումներ է պարունակում, գրում է lookatme.ru–ն։

Միաժամանակ, բնակչության ամբողջ հավելաճի կեսը մինչև 2050 թվականը կկատարվի ինը երկրների` Հնդկաստանի, Նիգերիայի, Պակիստանի, Կոնգոյի Դեմոկրատական Հանրապետության, Եթովպիայի, Տանզանիայի, ԱՄՆ–ի, Ինդոնեզիայի և Ուգանդայի հաշվին։ Նաև մոլորակի բնակչության աճում զգալի ավանդ կներդնեն աֆրիկյան և բնակեցված երկրները։

Աֆրիկան ամենաարագ աճող տարածաշրջանն է։ 2010–ից 2015 թվականները մայրցամաքն ավելացրել է բնակչությունը տարեկան 2.55%–ով։ Մինչև 2100 թվականն աֆրիկյան 28 երկրներ իրենց բնակչությունը կավելացնեն կրկնակի։ Ընդհանուր առմամբ, Երկրի բնակչությունն իր աճը վերջին 10 տարիներին դանդաղեցրել է` 2005 թվականին այն կազմել է տարեկան 1.24 տոկոս, իսկ 2015 թվականին` տարեկան 1.18 տոկոս (մոտ 82 մլն մարդ)։

Մինչև 2022 թվականը, ՄԱԿ–ի կարծիքով, Հնդկաստանը կդառնա աշխարհի ամենամեծ բնակչությամբ երկիրը։ Չինաստանն այդ ժամանակ կզբաղեցնի այդ ցուցանիշով երկրորդ տեղը։ Այս պահին երրորդ տեղում է ԱՄՆ–ն։ Ըստ կանխատեսման, մինչև 2050 թվականը բնակչությամբ երրորդ երկիրը կլինի Նիգերիան։ Այժմ այն զբաղեցնում է ամենաբնակեցված երկրների ցուցակի յոթերորդ տեղը, բայց այդ ցուցանիշով առաջին 10 երկրներից արագ է աճում։

Մինչև 2050 թվականը 10 երկրներ պետք է հաղթահարեն 300 մլն քաղաքացու ցուցանիշը։ Խոսքը, մասնավորապես, Չինաստանի, Հնդկաստանի, Ինդոնեզիայի, Նիգերիայի, Պակիստանի և ԱՄՆ–ի մասին է։ Միաժամանակ, Եվրոպայի բնակչությունը չնչին կնվազի` 2015 թվականի 738 մլն–ից մինչև 707 մլն մարդ 2050 թվականը։ Ընդհանուր առմամբ, աշխարհում մինչև 2050 թվականին բնակչությունը կնվազի 48 երկներում։ Նրանցից 15–տոկոսանոց նվազում կլինի Բոսնիայում և Հերցեգովինայում, Բուլղարիայում, Խորվաթիայում, Հունգարիայում, Ճապոնիայում, Լատվիայում, Լիտվայում, Մոլդովայում, Ռումինիայում, Սերբիայում և Ուկրաինայում։ Ասիայի բնակչությունը, կարծում է ՄԱԿ–ը, զգալիորեն կնվազվի մինչև 2100 թվականը` 2050 թվականի 5.26–ից մինչև 4.88 մլրդ մարդ։

Ռուսաստանի բնակչությունը նույնպես կնվազվի։ Այժմ երկրում ապրում է 143.4 մլն մարդ։ Մինչև 2030 թվականն այդ թիվը կարող է նվազել մինչև 138.6 մլն, իսկ մինչև 2050 թվականը` մինչև 128.5 մլն,  2100 թվականին` մինչև 117.4 մլն։

Գլխավոր թեմաներ