ԵՐԵՎԱՆ, 31 հուլիսի — Sputnik. Բժիշկները ստիպված են եղել անդամահատել տղամարդու երկու մատների վերին ֆալանգները, ով անզգուշորեն ձեռքը մտցրել է Մոսկվայի մետրոյի Պուշկինսկայա կայարանի շարժասանդուղքի մեխանիզմի մեջ, երբ փորձում էր հանել մեկ այլ ուղևորի հեռախոսը։
«Պատահարը գրանցվել է ուրբաթ լույս գիշերը ժամը 23։20–ին։ շարժասանդուղքով բարձրանալիս Ուդմուրտիա հանրապետության 24–ամյա բնակիչը նկատել է, թե ինչպես է աղջիկը գցել հեռախոսը, և փորձել է այն բարձրացնել։ Մատները մնացել են մեխանիզմի մեջ։ Շարժասանդուղքի կանգնեցնելուց հետո ոստիկանության աշխատողներն անհապաղ շտապօգնություն են կանչել»,– ՌԻԱ Նովոստիին է պատմել Մոսկվայի մետրոպոլիտենում ՆԳՎ մամուլի ծառայության ղեկավար Ալեքսեյ Միշլյաևը։
Ըստ նրա, բժիշկները հոսպիտալացրել են տուժածին մայրաքաղաքի 29–րդ քաղաքային կլինիկական հիվանդանոց, որտեղ բժիշկները մասնակիորեն անդամահատել են տղամարդու երկու մատը։
«Սահմանված կարգով փաստի մասին հաղորդվել է դատախազություն, կատարվում է կատարվածի հանգամանքների և պատճառների ստուգում»,– նշել է զրուցակիցը։
Մետրոյի շարժասանդուղքից հեռախոսը բարձրացնելիս տղամարդը կորցրել է ձեռքի երկու մատները
16:02 31.07.2015 (Թարմացված է: 16:09 31.07.2015)
© Sputnik / Артем Житенев
/ Բաժանորդագրվել
Պուշկինսկայա կայարանում շարժասանդուղքով բարձրանալիս 24–ամյա տղամարդը նկատել է, որ աղջիկը գցել է հեռախոսը, և փորձել է այն բարձրացնել, սակայն նրա մատները մնացել են մեխանիզմի մեջ, պատմել է Մոսկվայի ՆԳՎ մամուլի ծառայության ղեկավարը
