09:44 20 հունվարի 2017
Ուղիղ եթեր
Эксперты из Нидерландов и Малайзии посетили место крушения Боинга в Донецкой области

Մալայզիայի տրանսպորտի նախարարություն. Ռեյունյոն կղզում գտնված բեկորը պատկանում է Boeing 777–ին

© Sputnik/ Игорь Маслов
Աշխարհ
Ստանալ կարճ հղումը
7 0 0

Մալայզիայի տրանսպորտի փոխնախարարը հայտարարել է, որ Malaysia Airlines ավիաընկերությունը հաստատել է, որ հաշվի առնելով սերիական համարը, Ռեյունյոն կղզում գտնված բեկորը պատկանում է Boeing 777 ինքնաթիռին

ԵՐԵՎԱՆ, 31 հուլիսի– Sputnik. Մալայզիայի տրանսպորտի փոխնախարար Աբդուլ Ազիզ Կապրավին տեղեկացրել է, որ Ռեյունյոն ֆրանսիական կղզում գտնված ինքնաթիռի բեկորի սերիական համարը հաստատում է, որ դետալը պատկանում է Boeing 777 ինքնաթիռին, հաղորդում է ՌԻԱ Նովոստին` հղում անելով Ֆրանս Փրես գործակալությանը։

«Հաշվի առնելով ինքնաթիռի բեկորի վրա գրված սերիական համարը` հաստատվում է, որ այն պատկանում է Boeing 777 ինքնաթիռին։ Դա MAS-ի (Malaysia Airlines ավիաընկերություն) տեղեկատվությունն է։ Նրանք տեղեկացրել են մեզ», – գործակալությանը հայտարարել է փոխնախարարը։

«Կարծում եմ, որ մենք մոտենում ենք MH370 չվերթի գաղտնիքի  բացահայտմանը։ Ինքնաթիռի բեկորը կարող է ծանրակշիռ ապացույց լինել այն մասին, որ MH370 ինքնաթիռն ընկել է Հնդկական օվկիանոս», – ավելացրել է պաշտոնյան։

Չորեքշաբթի Հնդկական օվկիանոսի Ռեյունյոն ֆրանսիական կղզում գտել են անհայտ ինքնաթիռի թևի բեկորը։ Տեղի մասնագետներն առաջ են քաշել բեկորի ծագման երեք տարբերակներ, ըստ դրանցից մեկի` այն կարող է պատկանել 2014թ.–ին կորած մալայզիական Boeing–ին։

Ինչպես տեղեկացվում էր ավելի վաղ, Ռեյունյոնում գտնված ինքնաթիռի բեկորի վրա գրված սերիական համարը համընկնում է Boeing 777–ի տեխնիկական բնութագրերի հետ։ Boeing ընկերությունը ևս հաստատել է, որ բեկորը պատկանում է ինքնաթիռի այդ տեսակին։ Հետագա ուսումնասիրության համար թևի բեկորը կտեղափոխվի Թուլուզի Ավիավթարների հետաքննության բյուրոյի մոտակա գրասենյակ։

2014թ.–ի մարտի 8–ի գիշերը Malaysia Airlines ավիաընկերության Boeing 777-200 օդանավը, որն իրականացնում էր MH370 չվերթը Կուալա Լումպուրից Պեկին, 227 ուղևորներով և անձնակազմի 12 անդամներով, ներառյալ զբոսաշրջիկներ Ռուսաստանից, անհետացել է ռադարների էկրաններից։ Ենթադրվում է, որ ինքնաթիռը վթարի է ենթարկվել Հնդկական օվկիանոսի հարավային մասում


Գլխավոր թեմաներ