15:55 20 հունվարի 2017
Ուղիղ եթեր
Принц Бельгии Амедео

Բելգիայի արքայազնն ամուսնանալու պատճառով զրկվել է գահի իրավունքից

© Hellomagazine
Աշխարհ
Ստանալ կարճ հղումը
5 0 0

Բելգիական օրենքների համաձայն, միապետի ժառանգներն ամուսնությունից առաջ պետք է պաշտոնական թույլտվություն ստանան թագավորից, հակառակ դեպքում զրկվում են գահը ժառանգելու իրավունքից։

ԵՐԵՎԱՆ, 31 հուլիսի –Sputnik. Բելգիայի արքայաղն Ամեդեոն զրկվել է թագավորական աթոռի ժառանգության իրավունքից, քանի որ ամուսնացել է առանց միապետ մորեղբոր` Բելգիայի թագավոր Ֆիլիպի թույլտվության, – գրում է aif.ru–ն` հղում անելով RTBF–ին։

Միապետի 29-ամյա քրոջ` արքայադուստր Աստրիդի որդին 2014 թվականի հուլիսին ամուսնացել է Լիլի Ռոսբոխ ֆոն Վոլկենշտայնի հետ։ Բելգիական օրենքների համաձայն, միապետի ժառանգներն ամուսնությունից առաջ պետք է պաշտոնական թույլտվություն ստանան թագավորից, հակառակ դեպքում զրկվում են գահը ժառանգելու իրավունքից։ Հարկ է նշել, որ թագավոր Ֆիլիպը ներկա է եղել ամուսնական արարողությանը։ Երիտասարդ զույգը հարսանեկան արարողությունն անցկացրել է Իտալիայում։ 

Գահաժառանգների ցուցակում արքայազն Ամեդեոյի անունը վեցերորդն էր թագավոր Ֆիլիպի չորս անչափահաս երեխաների և միապետի ավագ քրոջ անուններից հետո։ Լավատեղյակ աղբյուրները նշում են, որ արքայազնը չի ցանկանում, որ իր կյանքն ի ցույց դրվի հասարակությանն ու հանրային սեփականություն դառնա։

Գլխավոր թեմաներ