Նալչիկի բնակարաններից մեկում շրջափակված գրոհայինների հետ փոխհրաձգություն է ընթանում

ԵՐԵՎԱՆ, օգոստոսի 3– Sputnik. Նալչիկում բազմահարկ շենքի բնակարանում շրջափակված գրոհայինների հետ մարտական ընդհարումը շարունակվում է, երկուշաբթի ՌԻԱ Նովոստիին հաղորդել է Կաբարդինո Բալկարիայի իրավապահ մարմինների աղբյուրը։

«Գրոհայիններին պաշարել են Մուսովի փողոցում 9–հարկանի տան բնակարանում և առաջարկել  հանձնվել, բայց նրանք հրաժարվել են և ակտիվ զինված դիմադրություն ցուցաբերել։ Հիմա մարտը շարունակվում է»,– ասել է գործակալության զրուցակիցը։

Նալչիկի տարածքում` Սամոտեչնայա, Գելյաևա, Մուսովա, 2–րդ Նարեչնայա, Նարտանովսկայա և Կալինինա փողոցների հատվածում,  երկուշաբթի Մոսկվայի ժամանակով 02։45–ից սահմանվել է հակաահաբեկչական գործողության ռեժիմ (ՀԳՌ)։

Հակաահաբեկչական գործողության ռեժիմը իրավական ռեժիմը ենթադրում է մի շարք միջոցներ, այդ թվում` հասարակական կարգի պահպանության ուժեղացում, նշված տեղանքում գտնվող մարդկանց փաստաթղթերի ստուգում, իսկ անհրաժեշտ փաստաթղթերի բացակայության դեպքում` նրանց ուղեկցում ոստիկանության բաժիններ կամ այլ կոմպետենտ մարմիններ, տարածքից տրանսպարոտային միջոցների հեռացում, բջջային կապի արգելափակման հնարավորություն։