00:19 19 հոկտեմբերի 2017
Ուղիղ եթեր
Криштиану Рональду

Ռոնալդուն հունական կղզի է նվիրել իր գործակալին

© Sputnik/ Асатур Есаянц
Աշխարհ
Ստանալ կարճ հղումը
93 0 0

Կղզու անունը չի նշվում, սակայն այն կարող է մի քանի միլիոն դոլար արժենալ։

ԵՐԵՎԱՆ, 3 օգոստոսի —Sputnik. «Ռեալ Մադրիդ» ֆուտբոլային ակումբի աստղ և մուլտիմիլիոնատեր Քրիշտիանու Ռոնալդուն իր գործակալ Ժորժե Մենդեսի հարսանիքին հունական կղզի է նվիրել, հաղորդում են ԶԼՄ–ները։

Կղզու անունը չի նշվում, սակայն այն կարող է մի քանի միլիոն դոլար արժենալ։

Ինչպես հայտնում է Mundo Deportivo իսպանական կայքը, Ռոնալդուն ավելի վաղ հանգստանում էր Միկոնոսում և լավ գիտի հունական կղզիները։

Մենդոսի և Սանդրայի ամուսնության արարողությունն անցկացվել է Պորտուգալիայում կիրակի օրը։ Հայտնի հյուրերի թվում են եղել ֆուտբոլի շոտլանդացի մարզիչ Ալեքս Ֆերգյուսոնը։

«Մանչեստեր Յունայթեդի» նախկին մարզիչը Ռոնալդուին իր թիմ է վերցրել 2003 թվականին։ Աշխարհի լավագույն ֆուտբոլիստներից մեկն ակումբում խաղացել է մինչև 2009 թվականը։

Ռոնալդուն երեք անգամ նվաճել է տարվա լավագույն ֆուտբոլիստին շնորհվող ՖԻՖԱ–ի Ոսկե գնդակը։

49–ամյա Ժորժե Մենդեսն աշխարհի ամենահաջողակ ֆուտբոլային գործակալներից մեկն է, նրան է պատկանում Gestifute ընկերությունը, որը գործակալական ծառայություններ է մատուցում ֆուտբոլիստներին։

Այս պահին հունական տասը կղզի է վաճառքի դրված։ Դրանցից մեկը Private Islands Online կայքում վաճառվում է երեք միլիոն եվրոյով։

Մենդեսի հարսանիքը կայացել է Պորտու շրջանում։ Մենդեսը և Սանդրա Բարբոսան երեք երեխա ունեն և միասին են ապրում 2005 թվականից։

Հարսանիքի հյուրերի թվում են եղել մի քանի հայտնի իսպանացի և պորտուգալացի ֆուտբոլային մենեջերներ, որոնց թվում` «Ռեալ Մադրիդի» նախագահ Ֆլորենտինո Պերեզը, «Բենֆիկայի» նախագահ Լուիշ Ֆիլիպե Վիեյրան և «Չելսիի» սեփականատեր Ռոման Աբրամովիչը։

ABC իսպանական լրատվական կայքի տեղեկացմամբ, Մենդեսն ամենահարուստ պորտուգալացիներից է, նրա կարողությունը գնահատվում է 100 մլն եվրո։

Գլխավոր թեմաներ