15:14 24 հոկտեմբերի 2017
Ուղիղ եթեր
Ситуация на Донбассе

Նախագիծ. Դոնբասում սպառազինությունները դուրս կբերեն հրադադարից անմիջապես հետո

© Sputnik/ Дэн Леви
Աշխարհ
Ստանալ կարճ հղումը
196 0 0

Ուկրաինայի հարցով զբաղվող շփման խմբի աղբյուրը հայտնել է, որ Դոնբասի հրադադարի պայմանագիրը կձևակերպվի որպես 2015 թվականի փետրվարի 12-ի համալիր միջոցների լրացում։ Տեքստի ձևակերպման աշխատանքները դեռ չեն ավարտվել, և քննարկվում են սպառազինության տարհանման ու դադարեցման ժամկետները

ԵՐԵՎԱՆ, 4 օգոստոսի – Sputnik. Դոնբասում 100 միլիմետրից պակաս սպառազինությունը դուրս բերելու վերաբերյալ համաձայնագրի նախագծերից մեկը ենթադրում է, որ այն տեղի կունենա միայն հրադադարից հետո, երեքշաբթի հայտնել է Ուկրաինայի հարցով զբաղվող շփման խմբի աղբյուրը։

Մինսկում նախօրեին անցկացվել են Ուկրաինայի հարցով զբաղվող շփման խմբի և չորս ենթախմբերի բանակցությունները։ ԴԺՀ լիազոր ներկայացուցիչ Դենիս Պուշիլինը լրագրողներին հայտնել է, որ երեքշաբթի անվտանգության ենթախմբի նիստում սպառազինությունները դուրս բերելու վերաբերյալ փաստաթղթի տեքստը կարող է նախապատրաստվել, սակայն չի ստորագրվի։

Ինչպես ՌԻԱ Նովոստիին է հայտնել շփման խմբի աղբյուրը, խոչընդոտ են դարձել շփման գծի չորս կետերը. ուկրաինական կողմը չի ցանկանում զինտեխնիկան դուրս բերել այդ կետերից։ Իսկ Դոնեցկի և Լուգանսկի ներկայացուցիչները պնդում են, որ նշված սպառազինությունը պետք է դուրս բերվի շփման ամբողջ գծից։

«Տեքստի ձևակերպման աշխատանքները դեռ չեն ավարտվել, և սպառազինության տարհանման ու դադարեցման ժամկետները քննարկվում են։ Համաձայնագրի տարբերակներից մեկում ասվում է, որ զենքը կհանվի հրադադարից հետ չորս օրվա ընթացքում, իսկ հրադադարը պետք է դադարեցվի պայմանագիրը ստորագրելուց երկու օր անց», – ասել է գործակալության զրուցակիցը։

Նա նաև նշել է, որ հրադադարի պայմանագիրը կձևակերպվի որպես 2015 թվականի փետրվարի 12-ի համալիր միջոցների լրացում։

Արդեն մեկ տարուց ավել է, ինչ Դոնբասի` պետական հեղաշրջումից դժգոհ բնակիչների դեմ ուժային գործողություններ են կիրառվում։ Փետրվարի 12-ին կայացած բանակցությունների ընթացքում հրադադարի, ծանր զենքը դուրս բերելու, Ուկրաինայի սահմանադրությունում իշխանությունների ապակենտրոնացման վերաբերյալ փոփոխություններ կատարելու, ինչպես նաև «Դոնեցկի և Լուգանսկի շրջանների առանձին հատվածներին» հատուկ կարգավիճակ տալու վերաբերյալ պայմանավորվածություն է ձեռք բերվել։

Գլխավոր թեմաներ