15:08 24 հոկտեմբերի 2017
Ուղիղ եթեր
IQ тест

Բրիտանացի աշակերտուհին IQ–ի մակարդակով գերազանցել է Էյնշտեյնին և Հոկինգին

© Rawstory
Աշխարհ
Ստանալ կարճ հղումը
178 0 0

162 միավոր բանականության գործակիցը 12–ամյա դպրոցական Նիկոլ Բարին դասում է մոլորակի ամենախելացի մարդկանց շարքում, գրում է The Daily Mirror–ը

ԵՐԵՎԱՆ, 5 օգոստոսի– Sputnik. 12–ամյա բրիտանացի աշակերտուհի Նիկոլ Բարը բանականության գործակցի (IQ) անհավանական բարձր ցուցանիշով` 162 միավոր, երկու միավորով առաջ է անցել ժամանակակից ֆիզիկայի տեսության հիմնադիրներից մեկից` Ալբերտ Էյնշտեյնից, ինչպես նաև մեր ժամանակների ամենաազդեցիկ ֆիզիկոսներից մեկից` Սթիվեն Հոկինգից, հաղորդում է The Daily Mirror–ը։

Նման արդյունքը Նիկոլին դասում է մոլորակի ամենախելացի մարդկանց մեկ տոկոսի շարքում, գրում է հրատարակությունը։

«Նա շատ, շատ աշխատասեր է։ Դասերից հետո նա երկարօրյա ուսուցման է մնում և մինչև հիմա ոչ մի օր բաց չի թողել»,– պատմել է աղջկա մայրը, հավելելով, որ Նիկոլը ցանկանում է մանկաբույժ դառնալ։

«Դա լավ է, որ մենք հայտնվել ենք նորություններում, հնարավոր է, որ ինչ–որ բան փոխվի դեպի լավը։ Դա խոսում է այն մասին, որ կարևոր չէ` որտեղից ես, յուրաքանչյուր մարդ կարող է ունենալ փայլուն ակադեմիական խելք»,– մեկնաբանել է հայրն աղջկա ձեռքբերումները։

Հրատարակությունը նշում է, որ հասուն մարդու IQ–ի միջին մակարդակը կազմում է 100 միավոր։ 140 միավորից բարձր ցուցանիշի դեպքում մարդը համարվում է հանճար։

Գլխավոր թեմաներ