23:34 17 հոկտեմբերի 2018
Ուղիղ եթեր
  • USD483.90
  • GBP635.94
  • EUR559.68
  • RUB7.38
Второй вертолетоносец типа Мистраль спущен на воду во Франции

Ֆրանսիան «Միստրալի» գումարը գաղտնի է փոխանցել Ռուսաստանին

© Sputnik / Григорий Сысоев
Աշխարհ
Ստանալ կարճ հղումը
152 0 0

«Կոմերսանտ» թերթի տեղեկությամբ` ուղղաթիռակիրների համար նախատեսված գումարը փոխանցվել է գաղտնի պայմաններում, քանի որ դրանք կարող էին ձերբակալվել ՅՈւԿՕՍ–ի հարցով Հաագայի դատարանի կայացրած վճռի կապակցությամբ

ԵՐԵՎԱՆ, 6 օգոստոսի– Sputnik. «Միստրալ» ուղղաթիռակիրների համար Ֆրանսիան ավելի քան 1,1 մլրդ եվրո գումար է գաղտնի փոխանցել ռուսական բանկերից մեկի հաշվեհամարին, հաղորդում է «Կոմերսանտը»` հղում անելով ռազմատեխնիկական համագործակցության ոլորտի աղբյուրին։

Հրատարակության տվյալներով` գաղտնիության պատճառը ՅՈւԿՕՍ–ի գործով պայմանավորված ռիսկերն էին։Ավելի վաղ ՄԻԵԴ–ը պարտավորեցրել էր Ռուսաստանին նավթային ընկերության նախկին բաժնետերերին վճարել 50 մլրդ դոլար և կալանք էր դրել արտերկրում բացված ռուսական ընկերությունների հաշվեհամարների վրա։ Ուղղաթիռակիրների համար նախատեսված միջոցների փոխանցման պահին գումարների վրա նույնպես կարող էր կալանք դրվել։

Նախօրեին Մոսկվան և Փարիզը համաձայնության են եկել, ըստ որի` Ֆրանսիան իրեն կպահի ուղղաթիռակիրները, իսկ Ռուսաստանը կվերադարձնի ավելի վաղ վճարած կանխավճարն ու նավերում տեղադրված կապի միջոցները։ Միայն դրանից հետո Ֆրանսիան կդառնա նավերի լիիրավ սեփականատերը։

Ֆրանսիայի պաշտպանության նախարար Ժան–Իվ Լե Դրիանն ավելի վաղ նշել էր, որ Փարիզին չափազանց դժվար կլինի վաճառել «Միստրալը» որևէ ուրիշ երկրին, քանի որ դրանք կառուցված են ռուսական պահանջներով և նախատեսված են ռուսական տեխնիկայի համար։

ՌԻԱ Նովոստիի հարցմանը մասնակցած փորձագետները կարծում են, որ Ֆրանսիայից ստացված միջոցները կներդրվեն մեծ դեսանտային նավերի շինարարության մեջ Միասնական նավաշինարարական կորպորացիայի ձեռնարկություններում։

«Միստրալ» տիպի երկու ուղղաթիռակիրների մատակարարման պայմանագիրը կնքվել էր ֆրանսիական DCNS/STX–ի և Ռոսօբորոնէքսպորտի միջև 2011թ.–ին։ Ֆրանսիան պետք է «Վլադիվոստոկ» առաջին նավը փոխանցեր նախորդ տարվա նոյեմբերին, սակայն Ուկրաինայում գրանցված իրադարձությունների պատճառով փոխանցումը տեղի չունեցավ։

Գլխավոր թեմաներ