Սեպտեմբերյան հանդիսությունների առթիվ Պեկինում սպասում են Պուտինի ժամանմանը

ԵՐԵՎԱՆ, 7 օգոստոսի– Sputnik. Չինաստանն անհամբեր սպասում է Ճապոնիայի դեմ պատերազմում Չինաստանի ժողովրդի հաղթանակի 70–ամյակի միջոցառումների առթիվ Ռուսաստանի նախագահ Վլադիմիր Պուտինի ժամանմանը, հայտարարել է ՉԺՀ պետխորհրդի անդամ Յան Ցզեչին։

Պեկինի Տյանանմեն կենտրոնական հրապարակում սեպտեմբերի 3–ին հակաճապոնական պատերազմում չին ժողովրդի հաղթանակի 70–ամյակի կապակցությամբ տեղի կունենա լայնածավալ ռազմական շքերթ, որին հրավիրված են արտասահմանյան պետությունների առաջնորդներ, այդ թվում` Պուտինը։

«Մենք անհամբերությամբ սպասում ենք նախագահ Պուտինի ժամանմանը, ում հրավիրել է ՉԺՀ նախագահ Սի Ցզինպինը։ Մենք նաև սպասում ենք վարչապետ Դմիտրի Մեդվեդևի այցին երկու երկրների կառավարությունների ղեկավարների կանոնավոր հանդիպմանը»,– ասել է Յան Ցզեչին Չինաստանում գտնվող Մերձվոլգան դաշնային օկրուգում ՌԴ նախագահի լիազոր ներկայացուցիչ Միխայիլ Բաբիչի հետ հանդիպման ժամանակ։

Նա նաև շնորհավորել է Ռուսաստանի առաջնորդին Մեծ հայրենական պատերազմում հաղթանակի 70–ամյակի առթիվ միջոցառումների հաջող անցկացման հետ կապված, ինչպես նաև ՇՀԿ և ԲՌԻԿՍ գագաթնաժողովների, որոնց մասնակցել է ՉԺՀ նախագահ Սի Ցզինպինը։

«Մենք համոզված ենք, որ բոլոր կողմերի ջանքերի շնորհիվ այդ ձևաչափերը հետագա զարգացում կստանան` հանուն մեր երկրների ժողովուրդների զարգացման։ Մեր առաջնորդները նոր պայմանավորվածություններ են ձեռք բերել, որոնք զգալիորեն կխթանեն մեր հետագա համագործակցությունը»,– ասել է Ցզեչին։