04:17 24 հոկտեմբերի 2017
Ուղիղ եթեր
Артак Мурадян и Анжела Элибегова

Ադրբեջանագետ. Ադրբեջանը փորձում է մտնել իրանական շուկա

Աշխարհ
Ստանալ կարճ հղումը
765 0 0

Նախորդ տարվա համեմատ 15 տոկոսով նվազել է Բաքու-Թբիլիսի-Ջեյհան նավթատարով նավթի արտահանումը, ինչը բավական լուրջ ցուցանիշ է Ադրբեջանի համար

ԵՐԵՎԱՆ, 8 օգոստոսի– Sputnik. Ադրբեջանում նավթարդյունաբերությունը տարեցտարի կայուն անկում է արձանագրում: Նախորդ տարվա համեմատ 15 տոկոսով նվազել է Բաքու-Թբիլիսի- Ջեյհան նավթատարով նավթի արտահանումը, ինչը բավական լուրջ ցուցանիշ է Ադրբեջանի համար:

Ինչպես «Sputnik-Արմենիա» ռադիոկայանի հետ զրույցում ասել է Ադրբեջանի հարցերով փորձագետ, քաղաքական գիտությունների թեկնածու Անժելա Էլիբեգովան, դրանից բացի, ազգային արժույթի արժեզրկման արդյունքում նվազել են երկրի կենտրոնական բանկի պահուստները:

«Միջազգային կառույցների կանխատեսումները, Ադրբեջանի 2015-2016 թվականների տնտեսական ցուցանիշների վերաբերյալ, բավական հոռետեսական են` տասը տոկոս արժեզրկում, բավական լուրջ անկում: Հետևաբար, Ադրբեջանն այս ճգնաժամային իրավիճակում փորձում է ինչ-որ կերպ դուրս գալ իրավիճակից»,-նշել է նա:

Իրանի պատժամիջոցների վերացման ֆոնին ակտիվանում են իրանա-ադրբեջանական տնտեսական հարաբերությունները: Բանախոսն ընդգծել է, որ արդեն ակնհայտ է տնտեսական գործակցության զարգացման միտումները:

«Պատվիրակությունների այցերի շարան սկսվեց իրանական կողմի հետ: Իրանական կողմը պարբերաբար հայտարարում է, որ էներգետիկ ոլորտում պատրաստ է միանալ ադրբեջանական նախագծերին: Արդեն տեղեկություն տարածվեց, որ ադրբեջանական բանկերում սառեցված իրանական հաշվիվները բացվել են, և Իրանի ֆինանսական պատժամիջոցներն Ադրբեջանը մասամբ թուլացրել է: Այսինքն, տեսնում ենք տնտեսական գործակցության բուռն զարգացման տենդենց»,-ասել է նա:

Էլիբեգովայի խոսքով, Ադրբեջանը առավելագույնս փորձում է օգտագործել պահը իրանական շուկա մտնելու և իրանական գազի ու նավթի տարանցիկ երկիր դառնալու համար:

«Ադրբեջանի պաշարները գրեթե վերջանում են, և դա միակ լուծումն է տնտեսական փլուզումից խուսափելու համար: Ամեն դեպքում, իրանական կողմը հորդորեց ադրբեջանցի գործարարներին իրենց գումարները ներդնել, քանի որ Արևմուտքը ադրբեջանցի ներդրողների համար գրեթե փակել է իր շուկան: Անհասկանալի ֆինանսական ծագում ունեցող գումարների սեփականատերերի հետ արևմուտքն առանձնապես չի ցանկանում գնալ գործարքի»,-համոզմունք է հայտնել քաղաքագետը:

Նա շեշտադրել է, որ կան բազմաթիվ փաստեր, որ եվրոպական բանկերում սառեցվում են ադրբեջանցի բարձրաստիճան պաշտոնյաների հաշիվները, լուրջ խոչընդոտներ են ստեղծվում նաև շվեյցարական բանկերում:

Ադրբեջանագետի ենթադրությամբ, եվրոպական նավթագազային ընկերությունների Ադրբեջանի շուկայից աստիճանաբար հեռանալը, հենց դրանով է պայմանավորված:

«Այսօրվա դրությամբ Ադրբեջանը չունի որևէ նավթամուղ կամ գազամուղ, որը կայուն ձևով գազը արտահանի Եվրոպա կամ աշխարհի որևէ մաս՝ առանց պայթեցման, ահաբեկչության վտանգի: Նույնիսկ դեռ չիրագործված նախագծերն են արդեն ռիսկի տակ, որովհետև բոլոր այն երկրների տարածքները, որոնցով անցնում են ադրբեջանական նավթի խողովակները, անկայուն են, և Ադրբեջանի աշխարհագրական դիրքն այլընտրանք չունի: Հետևաբար, կարծում եմ, որ Իրանին ավելի ձեռնտու կլինի էներգակիրներն արտահանել Պարսից ծոցով, քան մեր տարածաշրջանով»,-ասել է Անժելա Էլիբեգովան:

Գլխավոր թեմաներ