ԵՐԵՎԱՆ, 10 օգոստոսի – Sputnik. Դոնեցկում ԵԱՀԿ ավտոմեքենաների հրկիզումը ծրագրված էր առաքելության աշխատանքը կանգնեցնելու նպատակով, երկուշաբթի հայտնել է ինքնահռչակ Դոնեցկի Ժողովրդական Հանրապետության աշխարհազորայինների շտաբի հրամանատարի տեղակալ Էդուարդ Բասուրինը։
Ավելի վաղ ԴԺՀ ԱԻՆ ներկայացուցիչը հայտնել էր ՌԻԱ Նովոստիին, որ ԵԱՀԿ առաքելության վեց մեքենաներ են այրվել կիրակի գիշերը Դոնեցկում։ ԴԺՀ Ժողովրդական խորհրդի նախագահ Անդրեյ Պուրգինը հայտնել է, որ հանրապետության իշխանությունները առավելագույն ջանքեր կգործադրեն մեղավորների օպերատիվ կերպով հայտնաբերելու և ձերբակալելու համար։
«Եթե հետևենք իրադարձությունների հետագա զարգացումներին, ապա ԵԱՀԿ–ի ավտոմեքենաների հրդեհումը կարելի է համարել ծրագրված ակցիա, ընդ որում վաղուց ծրագրած, քանի որ այդ նույն օրը հանրապետության տարածքում ինտենսիվացել են գնդակոծությունները։ Դա արվել է, որպեսզի ԵԱՀԿ առաքելությունը չկարողանա դուրս գալ և արձանագրել գնդակոծությունները», – ասել է Բասուրինը լրագորղներին։
Արդեն մեկ տարուց ավել է, ինչ Դոնբասի` պետական հեղաշրջումից դժգոհ բնակիչների դեմ ուժային գործողություններ են կիրառվում։ Փետրվարի 12-ին կայացած բանակցությունների ընթացքում հրադադարի, ծանր զենքը դուրս բերելու, Ուկրաինայի սահմանադրությունում իշխանությունների ապակենտրոնացման վերաբերյալ փոփոխություններ կատարելու, ինչպես նաև «Դոնեցկի և Լուգանսկի շրջանների առանձին հատվածներին» հատուկ կարգավիճակ տալու վերաբերյալ պայմանավորվածություն է ձեռք բերվել։
Բասուրին. Դոնեցկում ԵԱՀԿ ավտոմեքենաների հրկիզումը ծրագրված էր
© Sputnik / Ирина Геращенко
/ Բաժանորդագրվել
ԴԺՀ–ում ԵԱՀԿ մեքենաների հրկիզումը կապում են նույն օրվա ուժայինների ինտենսիվ գնդակոծությունների հետ։ Էդուարդ Բասուրինի խոսքերով, դա արվել է, որպեսզի ԵԱՀԿ առաքելությունը չկարողանա դուրս գալ և արձանագրել գնդակոծությունները
