Ուկրաինան ստեղծել է ռուսական գրքերի «սև ցուցակ»

ԵՐԵՎԱՆ, 11 օգոստոսի – Sputnik. Ուկրաինայի հեռուստատեսության և ռադիոյի պետական կոմիտեն հրապարակել է Ռուսաստանում հրատարակված գրքերի ցանկ, որոնց տեղափոխումը Ուկրաինա արգելված է, հայտնում է ՌԻԱ Նովոստին` հղում անելով գերատեսչության պաշտոնական կայքին։

Ցուցակում են ռուս հեղինակների 38 գրքեր` Էդուարդ Լիմոնովի, Սերգեյ Դորենկոյի, Ալեքսանդր Դուգինի, Նիկոլայ Ստարիկովի, Անդրեյ Ֆուրսովի, Սերգեյ Գլազևի և այլ հեղինակների գրքեր։

Հայտնում են, որ նմանատիպ միջոցները ձեռնարկվել են որպեսզի կասեցնեն Ուկրաինայի քաղաքացիների ապատեղեկացվածությունը։

Ուկրաինայում արդեն արգելված է ռուսական ֆիլմերի ցուցադրումը։ Ընդհանուր առմամբ, Պետկինոյի տվյալներով, անցած տարվա օգոստոսից պաշտոնական մերժվել  է վարձութային հավաստագրերի տրամադրումը, ինչպես նաև չեղյալ են հայտարարել ռուսական արտադրության շուրջ 400 ֆիլմ և սերիալ։

Ավելի վաղ Ուկրաինայի խորհրդարանը օրենք էր ընդունել, Ուկրաինայում արգելել, ոչ միայն սերիալները, որոնք քարոզում են ռուսական ուժային կառույցները, այլև ֆիլմեր, որոնք ստեղծում են ռուս իրավաբանական անձինք, սկսած 2014 թվականից։ Ուկրաինայի մշակույթի նախարար, հումանիտար հարցերով փոխվարչապետ Վյաչեսլավ Կիրիլենկոն ավելի վաղ հայտնել էր, որ արգելքը տարածվում է բոլոր «ռազմական» ֆիլմերի և սերիալների վրա, որոնք արտադրվել են 1991 թվականից հետո, ինչպես նաև ողջ ռուսական հեռուստա և կինոարտադրանքի` ստեղծված 2014 թվականից հետո։ Կինոյի հարցերով պետական գործակալությունը չի տրամադրի վարձութային վկայագիր նմանատիպ ֆիլմերին։ Ռուս ռեժիսորները կարծում են, որ Կիևի իշխանության որոշումը պատիժ է հենց ուկրաինացիների համար, սակայն, իրենց կարծիքով, չարժի, որ Ռուսաստանը պատասխան գործողություններ իրականացնի։