ԵՐԵՎԱՆ, 17 օգոստոսի – Sputnik. Վերականգնվել է մեծությամբ չորրորդ չինական Տյանցզինի նավահանգստի աշխատանքը, որը ժամանակավորապես դադարեցվել էր չորեքշաբթի պայթյունավտանգ նյութերով պահեստում տեղի ունեցած լայնածավալ տեխնոգոն վթարից հետո, հայտնում է Սինհուա գործակալությունը` հղում անելով Tianjin Port Group Co–ին։
Նավահանգստի և նավերի երթևեկության աշխատանքները մասամբ դադարեցվել էին պայթյունավտանգ նյութերով Ruihai Logistics բեռնափոխադրող ընկերության պահեստում տեղի ունեցած լայնածավալ պայթյուններից հետո, որոնք թնդացել են Բինհայ շրջանում օգոստոսի 13-ի գիշերը։
Երթևեկությունը վերականգնվել է գլխավոր նավարկելի նեղուցներում` բացառությամբ պայթյունի մոտակա գոտու, հայտնում է գործակալությունը։
17 օգոստոսի 2015, 13:15
Բինհայ շրջանը, որտեղ տեղի է ունեցել արտակարգ պատահարը` քաղաքի հիմնական արդյունաբերական պարկն է, որը Տյանցզինը դարձրել է Չինաստանի ամենազարգացած շրջաններից մեկը։ Տյանցզինի նավահանգստից տեղափոխվում են ներկրվող ավտոմեքենաների շուրջ 40%–ը։
