Հյուսիսային Կորեան պատրաստվում է գործարկել միջին և փոքր հեռահարության հրթիռներ

ԵՐԵՎԱՆ, 21 օգոստոսի– Sputnik. Հյուսիսային Կորեան, ենթադրաբար, գնահատում է փոքր և միջին հեռահարության հրթիռների գործարկման ժամկետները` ելնելով Կորեական թերակղզում մինչև ամենաբարձր մակարդակի ռազմական լարվածության սրման ռազմավարական նպատակից, հաղորդում են երկրի կառավարության աղբյուրները։

Գործակալության զրուցակիցը պարզաբանել է, որ նման հետևություններ արվել են ԱՄՆ–ի հետ համատեղ ռադարային համակարգի տվյալների վերլուծությունից։

«Նախանշաններ կան, որ ԿԺԴՀ–ը գործարկման է պատրաստել «Սկադ» տեսակի փոքր հեռահարության հրթիռը երկրի հյուսիս–արևելքում` Վոնսան քաղաքի մոտ, և միջին հեռահարության «Նոդոն» հրթիռը Պհենան Պուկտո նահանգում»,– հաղորդել է Ռենհապ  գործակալության աղբյուրը։

Կորեական թերակղզում իրավիճակը կտրուկ սրվել է այն բանից հետո, երբ Հյուսիսի և Հարավի միջև հինգաշբթի տեղի է ունեցել հրետանային փոխհրաձգություն։ Հարավային Կորեան հայտարարել է, որ ԿԺԴՀ կողմից արձակվել է երկու ռումբեր։ Պհենյանը հերքում է դա և պնդում, որ ռումբերն արձակվել են Հարավի կողմից։

Դրանից հետո ԿԺԴՀ–ն առաջադրել է 48–ժամյա վերջնագիր` պահանջելով ապառազմականացված գոտում ապամոնտաժել բարձրախոսները, որոնց օգնությամբ Կորեայի Հանրապետությունը ԿԺԴՀ քննադատությամբ հեռարձակում է իրականացնում։ Ուրբաթ առավոտյան հայտնի է դարձել, որ Կիմ Չեն Ինը հրամայել է զորքերը բերել մարտական պատրաստության վիճակի։ Հարավային Կորեան հայտարարել է, որ չի դադարեցնի հեռարձակումը և պատրաստ է հակահարված տալ։