10:04 14 դեկտեմբերի 2017
Ուղիղ եթեր
Демонстрационная программа в рамках форума ТВМ-2014. День первый

Անգլիայում ավիաշոուի ժամանակ տեղի ունեցած վթարի հետևանքով զոհվածների թիվը հասել է 11–ի

© Sputnik/ Алексей Филиппов
Աշխարհ
Ստանալ կարճ հղումը
5510

Նախօրեին Մեծ Բրիտանիայի Շորհեմ–բայ–Սի քաղաքում կայացած ավիաշոուի ժամանակ վթարի է ենթարկվել Hawker Hunter կործանիչը` ընկնելով մայրուղու վրա։ 51–ամյա օդաչուն գտնվում է ծայրահեղ ծանր վիճակում։ Տեղի ոստիկանությունը չի բացառում, որ ավիավթարի զոհերի թիվը կարող է աճել

ԵՐԵՎԱՆ, 24 օգոստոսի–Sputnik. Մեծ Բրիտանիայի Շորհեմ–բայ–Սի քաղաքում նախօրեին տեղի ունեցած ավիաշոուի ժամանակ վթարի է ենթարկվել Hawker Hunter կործանիչը, ինչի հետևանքով զոհերի թիվը հասել է 11–ի և կարող է դեռ ավելանալ, կիրակի ասուլիսի ժամանակ տեղեկացրել է Սասեքս կոմսության ոստիկանության ներկայացուցիչը։

Ավիավթարը տեղի է ունեցել շաբաթ օրը Երևանի ժամանակով մոտավորապես 16։20–ին։ Ինքնաթիռն ընկնելու պահին բռնկվել է։ Դեպքի վայր է մեկնել տասը մարտական հաշվարկ։ Ավելի վաղ իրավապահ մարմինները հաստատել են, որ յոթ մարդ է զոհվել, երբ ինքնաթիռն ընկնելիս բախվել է մայրուղով ընթացող մեքենաներին։ Վիրավորվել է 15 մարդ, այդ թվում` օդաչուն։

«Ցավոք, դեպքի վայրում անգամ գիշերն իրականացրած մեր աշխատանքի, ինչպես նաև մտահոգ ընտանիքների և մտերիմների զանգերի միջոցով մենք կարողացել ենք հաստատել 11 մարդու ինքնություն, որոնք այս պահին, ամենայն հավանականությամբ, զոհված են համարվում», – ասել է ոստիկանության ներկայացուցիչ Սթիվ Բերին։

Նա պարզաբանել է, որ մասնագետները շարունակում են որոնողական աշխատանքները շատ մեծ տարածքում։

«Բացառված չէ, որ զոհերի թիվը կաճի»,– նշել է նա։

Մեկնաբանելով 51–ամյա օդաչու Էնդի Հիլի վիճակը` Բերին նշել է, որ նա նախկինի պես գտնվում է ծայրահեղ ծանր վիճակում և «պայքարում է կյանքի համար»։

Գլխավոր թեմաներ