10:50 19 հունիսի 2018
Ուղիղ եթեր
  • USD482.59
  • GBP639.29
  • EUR559.61
  • RUB7.62
Тайфун Санба во Владивостоке

Ճապոնիայում հզոր թայֆունի հետևանքով արդեն ութ մարդ է տուժել

© Sputnik / Виталий Аньков
Աշխարհ
Ստանալ կարճ հղումը
610

Իսիգակի կղզում քամու արագությունը պոռթկումների ժամանակ հասել է վայրկյանում 71 մետրի։ Ապակիների բեկորներից վիրավորվելու հետևանքով տուժել է 8 մարդ

ԵՐԵՎԱՆ, 24 օգոստոսի– Sputnik. Երկուշաբթի Ճապոնիայի հարավում մոլեգնած «Գոնի» հզոր թայֆունի հետևանքով տուժածների թիվը հասել է 8–ի, կղզու հետ օդային հաղորդակցությունը խզվել է։

Ավելի վաղ նշվել էր, որ 5 տուժած կա։

Ներկա պահին թայֆունը մոլեգնում է Օկինավայի հյուսիս–արևմուտքում։ Քամու արագությունը հասնում է վայրկյանում 50 մետրի, սրընթաց քամու դեպքում` վայրկյանում 70 մետրի։ Անցած գիշեր Օկինավա պրեֆեկտուրայի Իսիգակի կղզում գրանցվել է քամու ռեկորդային արագություն` վայրկյանում 71 մետր։

Տեղեկություններ կան, որ ավտոմեքենաներ են շրջվել, ծառերն արմատախիլ են եղել։ Օկինավայի մամուլը հաղորդում է թայֆունի հետևանքով խորտակված նավերի մասին։ Տուժածների մասին չի նշվում։

Ինչպես հաղորդում է NHK հեռուստաընկերությունը, էլեկտրաէներգիայից զրկվել են ավելի քան 20 հազար բնակելի տներ։ Խափանվել են լուսացույցները։ Օկինավա կղզու հետ օդային և ծովային հաղորդակցությունն ընդհատվել է։

Ճապոնիայի գլխավոր օդերևութաբանական վարչությունը նախազգուշացնում է, որ երեքշաբթի առավոտյան թայֆունը կհասնի Կյուսյու քաղաքի տարածք և կուղեկցվի փոթորկային քամով, տեղատարափ անձրևներով և 9-12 մետրի հասնող բարձր ալիքներով։

Գլխավոր թեմաներ