13:41 20 օգոստոսի 2017
Ուղիղ եթեր
Пресс-конференция Севы Новгородцева в Санкт-Петербурге

BBC–ի լեգենդ դարձած Սևա Նովգորոդցևն ավարտում է իր կարիերան

© Sputnik/ Алексей Даничев
Աշխարհ
Ստանալ կարճ հղումը
17 0 0

Նովգորոդցևի մասնակցությամբ վերջին հաղորդումը եթեր կհեռարձակվի սեպտեմբերի 4–ին Լոնդոնի կենտրոնում գտնվող Պուշկին–հաուսից։ Սևայի կարիերայի առանցքային փուլերի մասին կպատմեն հրավիրված հյուրերը, որոնց թվում են նաև նրանք, որոնցից Նովգորոդցևը հարցազրույց է վերցրել երկար տարիների ընթացքում

ԵՐԵՎԱՆ, 3 սեպտեմբերի– Sputnik. BBC–ի ռուսական ծառայության լեգենդար հաղորդավար Սևա Նովգորոդցևը հրաժեշտ կտա ունկնդիրներին և ռադիոյում կավարտի իր գրեթե 40–ամյա կարիերան «ԲիբիՍևա» ծրագրի վերջին թողարկմամբ։

Հինգշաբթի` սեպտեմբերի 3–ին, նա կշփվի ունկնդիրների հետ Facebook սոցցանցում BBC-ի ռուսական ծառայության էջում կազմակերպված «ուղիղ ինտերնետային եթերից»։ Իսկ ուրբաթ` սեպտեմբերի 4–ին, տեղի կունենա «ԲիբիՍևա» ծրագրի վերջին թողարկումը, հայտնում է BBC–ի մամուլի ծառայությունը։

Ուրբաթ երեկոյան BBC-ի ռուսական ծառայության կայքում կցուցադրվի հատուկ նկարահանված «Սևա. Սևա Նովգորոդցև. Լոնդոն.BBC» վավերագրական ֆիլմը։

«Դժվար է ամփոփել BBC–ում շուրջ 38 տարվա կարիերայի արդյունքները», – այսպես է մեկնաբանել հաղորդավարն իր կարիերայի ավարտը։ «Ինչպե՞ս հրաժեշտ տամ իմ ունկնդրին։ Նրա արձագանքն այս տասնամյակների ընթացքում մեծ մասամբ ձևավորում էր իմ ծրագրերն ու կյանքը։ Պարզապես կասեմ, որ մենք բոլորս այստեղ ժամանակավոր ենք, իսկ BBC–ին` հավերժ», – ավելացրել է Նովգորոդցևը։

Նրա խոսքով` նա որոշել է հեռանալ BBC–ից անձնական պատճառներով։ «Այս ամառ ես դարձա 75 տարեկան և, փոքր ինչ վերաիմաստավորելով իմ դերակատարությունն այս աշխարհում, հասկացա, որ երևի արդեն չարժե ամեն օր զբաղվել ակտիվ լրագրությամբ», – ասել է Նովգորոդցևը նախօրեին Baltkom լատվիական ռադիոկայանին տված հարցազրույցում։

Նա նաև նշել է, որ մտադիր է զբաղվել գրականությամբ և նկարահանվել կինոյում։ «Նախագծերը բավականին շատ են։ Այսօր զրուցել եմ իմ ռեժիսորի հետ, ով ինձ տեսնում է իր ֆիլմում։ Ընդհանրապես, երբ մարդն ազատվում է ամենօրյա աշխատանքից, ապա նրա ազատությունը նախագծեր է գրավում, որոնք նա կցանկանար իրականացնել։ Այնպես որ զբաղվածության հարցն ինձ չի մտահոգում։ Բացի այդ, ունեմ անավարտ տեքստեր, գրքեր, ազատ ժամանակ կզբաղվեմ դրանցով», – ասել է Նովգորոդցևը։

Գլխավոր թեմաներ