ԵՐԵՎԱՆ, 28 սեպտեմբերի–Sputnik. NASA–ն «արյունոտ» լուսնի առցանց հեռարձակում է կազմակերպել։ Այս արտասովոր երևույթը մոտ 47 մլն օգտատեր է դիտել։
Առավոտյան ժամը 06։40–ին (Երևանի ժամանակով 06։40–ին) NASA–նի առցանց հեռարձակման միջոցով ցուցադրել է բնության բացառիկ երևույթներից մեկը. որին ավելի քան 52 հազար մարդ է հետևել։ Այդ ընթացքում NASA–ն Twitter–ով հնարավորություն էր ընձեռել #askNASA հեշթեգի միջոցով հարցեր տալ հայտնի ֆիզիկոս Միկա Ադամսին։
Հիշեցնենք, որ «արյունոտ» լուսինը բնության բացառիկ երևույթ է, որի ժամանակ Երկիր մոլորակի ստվերը կարմիր ցոլք է գցում իր արբանյակի վրա։ «Արյունոտ» լուսին կարելի է տեսնել երկու–երեք տասնամյակը մեկ։ Այդ պահին լուսինը գտնվում է Երկիր մոլորակից ամենամոտ հեռավորության վրա, դառնում է ավելի վառ և ավելի մեծ է երևում։
Լուսինն ամբողջությամբ ընկղմվեց Երկիր մոլորակի ստվերի մեջ և արյունոտ կարմիր դարձավ սեպտեմբերի 28–ին առավոտյան ժամը 06։11–ին։ Այս երևույթը շարունակվեց մինչև 07։30–ը։ Աստղագետների տվյալով` «գերլուսինը» հնարավորություն են ունեցել տեսնելու Ռուսաստանի եվրոպական մասի, Եվրոպայի, Հյուսիսային և Հարավային Ամերիկայի և Ասիայի որոշ շրջանների բնակիչները։ Սակայն Մոսկվայում անզեն աչքով տեսնել հնարավոր չի եղել ամպամածության պատճառով։ Այդուհանդերձ, բնության այս բացառիկ երևույթին հնարավոր էր հետևել մի քանի առցանց հեռարձակումների միջոցով։ Հաջորդ անգամ Երկրագնդի բնակիչները նման բացառիկ երևույթի ականատեսը կդառնան 2033թ.–ին։
Ավելի վաղ հայտնի աստղաֆիզիկոս Հայկ Հարությունյանը, ով 12 տարի գլխավորել է Բյուրականի աստղադիտարանը, տեղեկացրել էր, որ եթե եղանակը բարենպաստ լինի, Հայաստանի բնակիչները նույնպես կկարողանան տեսնել «արյունոտ» լուսինը։ Նա նաև նշել էր, որ սա բացառիկ երևույթ չէ։
«Իրականում գերլուսին կարելի է տեսնել, երբ Լուսինն առավելագույնս մոտ է գտնվում Երկիր մոլորակին, ինչի շնորհիվ մենք Լուսինը տեսնում ենք 10 տոկոսով ավելի խոշոր, քան սովորաբար», – ասել էր Հարությունյանը և ավելացրել, որ նման երևույթ բավականին հաճախ է տեղի ունենում։
