ԵՐԵՎԱՆ, 30 սեպտեմբերի– Sputnik. Microsoft ընկերության համահիմնադիր Բիլ Գեյթսը կրկին Ամերիկայի ամենահարուստ մարդն է` ըստ Forbes ամսագրի վարկանիշի։
ԱՄՆ ամենահարուստ 400 գործարարների` նախօրեին ներկայացված վարկանիշում Բիլ Գեյսթը 22-րդ անգամ անընդմեջ վարկանիշի զբաղեցնում է 1-ին հորիզոնականը։ Նրա կարողությունը Forbes-ը 76 մլրդ դոլար է գնահատել:
Երկրորդ տեղում Berkshire Hathaway-ի գլխավոր տնօրեն Ուորեն Բաֆեթն է, որի կարողությունը 62 մլրդ դոլար է գնահատվում: Իսկ ամենահարուստ ամերիկացիների եռյակը եզրափակում է Oracle-ի հիմնադիր և ղեկավար Լարրի Էլիսոնը՝ 47.5 մլրդ դոլար կարողությամբ:
Այսպիսով` արդեն մեկ տարի ԱՄՆ ամենահարուստ 400 մարդկանց վարկանիշի առաջնորդների եռյակը փոփոխություն չի կրել:
Վարկանիշի առաջին տասնյակում հայտնվել են նաև Amazon.com-ի գլխավոր տնօրեն Ջեֆ Բեզոնը՝ 47 մլրդ դոլար կարողությամբ և Facebook-ի ղեկավար Մարկ Ցուկերբերգը՝ 40.3 մլրդ դոլար կարողությամբ:
Վարկանիշի 5-րդ տեղը կիսել են Դևիդ եւ Չարզ Կոխ եղբայրները՝ 41 մլրդ դոլարով: Նյու Յորքի նախկին քաղաքապետ Մայքլ Բլումբերգի կարողությունը Forbes-ը գնահատել է 38.6 մլրդ դոլար՝ նրան հատկացնելով 8-րդ տեղը: Wal-Mart-ի համասեփականատեր Ջիմ Ուոլթոնը 9-րդ տեղում է՝ 33.7 մլրդ դոլարով, իսկ տասնյակը եզրափակում է Google-ի գլխավոր տնօրեն Լարրի Փեյջը՝ 33.3 մլրդ դոլար կարողությամբ:
Վարկանիշում հայտնվելու համար 2015 թվականին անցումային շեմը 1.7 մլրդ դոլարն է եղել: Այս արգելքը չեն կարողացել հաղթահարել ամերիկյան 145 միլիարդատերեր:
Forbes. Բիլ Գեյթսը կրկին ԱՄՆ ամենահարուստ մարդն է
11:55 30.09.2015 (Թարմացված է: 17:47 12.10.2015)
© Sputnik / Владимир Вяткин
/ Բաժանորդագրվել
Արդեն մեկ տարի ԱՄՆ ամենահարուստ 400 մարդկանց վարկանիշի առաջնորդների եռյակը փոփոխություն չի կրել
