ԵՐԵՎԱՆ, 1 հոկտեմբերի – Sputnik. Facebook սոցիալական ցանցն օգտատիրոջ էջի կառավարման մի շարք փոփոխություններ է ներկայացրել։ Սոցցանցի օգտատերերի էջի գլխավոր լուսանկարի հատվածում հնարավոր կլինի կարճ տեսանյութ տեղադրել, հայտնում է ru.tsn.ua–ն` հղում անելով Facebook–ի պաշտոնական բլոգին։
Բացի այդ, հնարավոր կլինի գլխավոր լուսանկարը տեղադրելիս նշել կոնկրետ ժամանակահատված։ Օրինակ` երբ լուսանկարը կապված կլինի որևէ իրադարձության հետ, և օգտատերը կցանկանա շեշտադրել այն։
Էջի լուսանկարը տեղադրված կլինի կենտրոնում։ Բացի այդ, կհայտնվի աշխատանքի կամ ուսման մասին մեկ տողով գրառում կատարելու հնարավորություն։ Սեպտեմբերի կեսերին Facebook–ի հիմնադիր Մարկ Ցուկերբերգը խոստացել էր նաև հաղորդագրությունների և մեկնաբանությունների տակ dislike (չհավանել) կոճակ ավելացնել։
Facebook–ի օգտատերերն իրենց գլխավոր նկարի փոխարեն կկարողանան տեսանյութ տեղադրել
10:36 01.10.2015 (Թարմացված է: 17:47 12.10.2015)
© Sputnik / Asatur Yesayants
Բաժանորդագրվել
Facebook սոցիալական ցանցի օգտատերերի համար էջի կառավարման նոր գործիքներ են ստեղծվելու
