ԵՐԵՎԱՆ, 9 հոկտեմբերի– Sputnik. Ֆուտբոլի միջազգային ֆեդերացիայի (ՖԻՖԱ) նախագահ Յոզեֆ Բլատերը բողոքարկել է ՖԻՖԱ–ի էթիկայի հանձնաժողովի որոշումը` իրեն ֆուտբոլային գործունեությունից հեռացնելու մասին, հաղորդում է New York Times–ը։
Հինգշաբթի ՖԻՖԱ–ի էթիկայի հարցերի հանձնաժողովը 90 օրով հեռացրել է Բլատերին, կազմակերպության գլխավոր քարտուղար Ժերոմ Վալկեին և ՈՒԵՖԱ–ի ղեկավար Միշել Պլատինիին ֆուտբոլի հետ կապված ցանկացած գործունեությունից ազգային և միջազգային մակարդակով։ Այդ ժամկետը կարող է ավելանալ, բայց ոչ ավելի, քան 45 օրով։
Հրատարակության տվյալներով` բողոքարկումն արվել է Բլատերի փաստաբանի կողմից, որը նամակ է ուղարկել ՖԻՖԱ–ի էթիկային հարցերով հանձնաժողովի հաշտարար պալատի ղեկավար Հանս–Յոահիմ Էքերտին։
Նամակում Բլատերի իրավաբանները պահանջում են իրենց տրամադրել գործի նյութերը, որոնք էթիկայի հարցերով հանձնաժողովը դիտարկել է հետաքննության ընթացքում։ Նրանք ենթադրում են, որ հանձնաժողովի որոշումը լիովին հիմնված է նրա վրա, որ արդարադատության շվեյցարական բյուրոն հետաքննություն է սկսել Բլատերի նկատմամբ։ Բլատերի փաստաբանները պնդում են անմեղության կանխավարկածը` հայտարարելով, որ իրենց պաշտպանյալը հեռացվել է միայն ֆուտբոլային պաշտոնյաներին անօրինական դրամական փոխանցումներ կատարելու անօրինականության մեջ կասկածների հիման վրա։
Շվեյցարիայի արդարադատության դաշնային բյուրոն սեպտեմբերի 25–ին գործ է հարուցել Բլատերի դեմ, որին կասկածում են նաև նրանում, որ անօրինական կերպով երկու միլիոն շվեյցարական ֆրանկ է փոխանցել Պլատինիին։ Ֆրանսիացին հայտարարել է, որ այդ վճարումը կատարվել է պայմանագրով` օրենքին համապատասխան։
Շվեյցարիայի արդարադատության դաշնային բյուրոն սեպտեմբերի 25–ին գործ է հարուցել Բլատերի դեմ, որին կասկածում են նաև նրանում, որ անօրինական կերպով երկու միլիոն շվեյցարական ֆրանկ է փոխանցել Պլատինիին։ Ֆրանսիացին հայտարարել է, որ այդ վճարումը կատարվել է պայմանագրով` օրենքին համապատասխան։
