12:54 18 օգոստոսի 2017
Ուղիղ եթեր
Журнал Glamour назвал женщиной года отчима Ким Кардашьян

Glamour ամսագիրը տարվա կին է ճանաչել Քիմ Քարդաշյանի խորթ հորը

Աշխարհ
Ստանալ կարճ հղումը
6 0 0

Քեյթլին Ջենները մրցանակ է ստացել ականավոր կանանց պարգևատրման 25-րդ արարողության ժամանակ

ԵՐԵՎԱՆ, 11 նոյեմբերի– Sputnik. Glamour ամսագրի վարկածով տարվա կին է դարձել տրանսգենդերը: Պատվավոր տիղտոսին արժանացել է հեռուստաաստղ Քիմ Քարդաշյանի խորթ հայրը, որը վերջերս էր փոխել սեռը: Նախկին օլիմպիական չեմպիոն Բրյուս Ջենները, որի անունն այժմ Քեյթլին է, առաջին անգամ կնոջ արտաքինով ներկայացել է այս տարվա ամռանը:

Քեյթլին Ջենները մրցանակ է ստացել ականավոր կանանց պարգևատրման 25-րդ արարողության ժամանակ, գրում է People-ը: 66-ամյա Ջենները բեմ է դուրս եկել և հայտարարել. «Ֆրանսիացի ակտիվիստ և գրող Սիմոնա դե Բովուարն ասել է, որ կին չեն ծնվում, այլ դառնում են։ Ես ապրում եմ` հետևելով այդ խոսքերին»։

Ջենները շնորհակալություն է հայտնել հարազատներին, որոնք միշտ աջակցել են իրեն. «Ես երջանիկ եմ, որ ընտանիք ունեմ։ Նրանցից ոչ ոք չի լքել ինձ, բոլորն իմ կողքին են եղել։ Իսկ դա հիանալի է»։

Բրյուս Ջեններն ամերիկյան ատլետ է, ոսկի մեդալ է նվաճել 1976թ.–ի օլիմպիադայում։ Նա Քիմ Քարդաշյանի խորթ հայրն է և նրա երկու քույրերի հայրը։ Փոխել է սեռը նրանց մոր` Քրիս Ջեններից ամուսնալուծվելուց հետո (ամուսնացած են եղել ավելի քան 23 տարի)։

Գլխավոր թեմաներ