09:21 21 մայիսի 2018
Ուղիղ եթեր
Приморский океанариум ДВО РАН

Կենսաբանները պարզել են, թե ինչու են ձկներն անտեսանելի դառնում բաց օվկիանոսում

© Sputnik / Виталий Аньков
Աշխարհ
Ստանալ կարճ հղումը
22 0 0

Ծովային ձկների մաշկում եղած հատուկ ճարպային գոյացությունների շնորհիվ նրանք գրեթե անտեսանելի են դառնում գիշատիչների համար, եթե ձկներին նայում են գլխի կամ պոչի կողմից. ճարպային գոյացությունները ցրում են բևեռացող լույսը

ԵՐԵՎԱՆ, 22 նոյեմբերի- Sputnik. Շատ ձկներ գիշատիչներից թաքնվում են՝ բառացիորեն անտեսանելի դառնալով նրանց համար: Գաղտնիքն այն է, որ այդ ձկների մաշկը յուրահատուկ կերպով փոխազդում է բևեռացված լույսի հետ, ասվում է Science ամսագրում հրապարակված հոդվածում:

«Մենք վաղուց գիտեինք, որ բաց օվկիանոսում ապրող ձկները հիմնական, չփայլող թեփուկներ ունեն՝ ի տարբերություն գետերում և մերձափնյա շրջաններում ապրող ձկների: Այժմ մենք գիտենք, թե ինչու ենք նրանք անտեսանելի դառնում նման իրավիճակներում»,- հայտարարել է Մայքլ Տվարդովսկին Ֆլորիդայի Ատլանտյան համալսարանից:

Տվարդովսկին և նրա գործընկերները բացահայտել են ծովային ձկների քողարկման գաղտնիքը՝ մի քանի նման արարածների ուսումնասիրելով հատուկ 3D տեսախցիկի օգնությամբ, ինչպես նաև վերլուծելով նրանց թեփուկների՝ լույսն արտացոլող հատկությունները:

Ինչպես բացատրում են գիտնականները, ի տարբերություն ցամաքային կենդանիների մեծ մասի, ձկները տեսնում են և՛ սովորական, և՛ բևեռացված լույսը: Այդ լույսն ու արևի ճառագայթները տարբերելու կարողությունը թույլ է տալիս ձկներին ավելի լավ տեսնել ջրի տակ, որտեղ լույսի մեծ մասը բևեռացված է:

Գիտափորձը ցույց է տվել, որ բևեռացված լույսը տեսնելու կարողությունը գիշատիչներին ոչ թե օգնում է, այլ խանգարում տեսնել զոհին. ծովային ձկների մաշկը նրանց համար գրեթե անտեսանելի է դառնում, եթե նրանց նայում են պոչի կամ գլխի կողմից, իսկ գիշատիչները սովորաբար հարձակվում են հենց այդ կողմից:

Գիտնականները պարզել են, որ ձկների մաշկի տակ կան բազմաթիվ փոքր գոյացություններ գուանինից, որոնք խախտում են օպտիկայի օրենքները և արտացոլում բևեռացված ճառագայթները միայն որոշակի անկյունով ընկնելու դեպքում: Դա էլ ձկներին անտեսանելի է դարձնում նրանց մարմնի ամենախոցելի մասերում:

Ինչպես ենթադրում են գիտնականները, ծովային ձկների այդ հատկությունը կարելի է օգտագործել ստորջրյա «անտեսանելի կոստյումներ» ստեղծելու համար:

 

Գլխավոր թեմաներ