ԵՐԵՎԱՆ, 15 դեկտեմբերի — Sputnik. Բրիտանուհի Նիկոլ Բարը մի քանի թեստ է անցել, և պարզվել է, որ աղջկա IQ-ն ավելի բարձր է, քան հայտնի գիտնականներ Ալբերտ Էյնշտեյնինն ու Սթիվեն Հոքինգինը։ Նրան Օքսվորդի համալսարան են հրավիրել, գրում է The Daily Mail-ը։
13-ամյա Նիկոլը պատրաստվում է բժիշկ դառնալ։ Նա կարդալ է սկսել երկու տարեկանում, իսկ արդեն տասը տարեկանում կարողացել է մաթեմատիկական բարդ խնդիրներ լուծել։
Թերթը գրում է, որ այդքանով հանդերձ, աղջիկը շատ հաճախ բաց է թողել դպրոցի դասերը։
Թեստերը ցույց են տվել, որ նրա IQ-ն 162 կետ է կազմում, այն դեպքում, որ մեծահասակների IQ-ի միջին ցուցանիշը չի գերազանցում 100-ը։
