03:09 22 փետրվարի 2018
Ուղիղ եթեր
Совместная пресс-конференция президента РФ В.Путина и канцлера Германии А.Меркель

Մերկելը Պուտինի վերաբերյալ տեղեկություններ է փոխանցել Մեծ Բրիտանիային

Фотохост-агентство
Աշխարհ
Ստանալ կարճ հղումը
11 0 0

Գերմանիայի կանցլեր Անգելա Մերկելը Բրիտանիայի հատուկ ծառայությունների ղեկավարներին Ռուսաստանի մասին տվյալներ է փոխանցել։ Մասնավորապես, տվյալները վերաբերել են Վլադիմիր Պուտինին, Ղրիմին և Ուկրաինային

ԵՐԵՎԱՆ, 24 դեկտեմբերի — Sputnik. Գերմանիայի կանցլեր Անգելա Մերկելը Լոնդոն կատարած այցի շրջանակում Մեծ Բրիտանիայի հատուկ ծառայությունների ղեկավարներին Ռուսաստանի մասին տեղեկություններ է փոխանցել, հայտնում է Times թերթը` հղում անելով Բրիտանիայի վարչապետի գրասենյակի աղբյուրին։

Բրիտանիայի հատուկ ծառայությունները Մերկելին տվյալներ են փոխանցել «Իսլամական պետություն» ահաբեկչական խմբավորման սպառնալիքի մասին։

«Գերմանիայի առաջնորդն իր հերթին MI5-ի, MI6-ի և GCHQ —ի ղեկավարներին է փոխանցել ՌԴ նախագահ Պուտինի, Ուկրաինայի անկայուն վիճակի ու Ղրիմի իրավիճակի վերաբերյալ տեղեկությունները», — գրում է պարբերականը։

Թերթի տվյալով` ԻՊ-ի և մյուս ահաբեկչական խմբավորումների ներկայացրած վտանգի վերաբերյալ տեղեկությունները կարևոր են եղել Մերկելի համար։ Բրիտանացիների հայտնած տեղեկությունը վերաբերել է նաև Սիրիայում ու Իրաքում կռվող օտարերկրյա գրոհայիններին։

Գերմանական ու բրիտանական հատուկ ծառայությունների ներկայացուցիչները գրեթե պարբերաբար տեղեկություններ են փոխանակում պաշտոնական մակարդակով։ Սակայն շատ հազվադեպ են այն դեպքերը, երբ բրիտանական հատուկ ծառայությունների ղեկավարները տեղեկատվությունն անմիջապես ԳԴՀ կանցլերին են փոխանցում և նրանից տվյալներ ստանում, գրում է Times-ը։

Թերթը նշում է, որ բանակցություններն ընթացել են Փարիզում տեղի ունեցած ահաբեկչություններից առաջ։

Նոյեմբերի 13-ի երեկոյան Փարիզում միանգամից մի քանի ահաբեկչական գործողություն էր իրականացվել: Անհայտ անձինք կրակ էին բացել մայրաքաղաքի 10-րդ շրջանի ռեստորաններից մեկի ուղղությամբ, երեք պայթյուն էլ որոտացել էր «Սթադ դը Ֆրանս» մարզադաշտի անմիջական հարևանությամբ: Այդ պահին մարզադաշտում ընթանում էր Ֆրանսիա-Գերմանիա ֆուտբոլային հանդիպումը, որին ներկա էր նաև նախագահ Ֆրանսուա Օլանդը: Պայթյուն էր գրանցվել նաև «Բատակլան» թատրոնում, որտեղ անհայտ անձինք պատանդ էին վերցրել տասնյակ մարդկանց: Վերջին տվյալով՝ 129 մարդ է մահացել:

 

Գլխավոր թեմաներ