ԵՐԵՎԱՆ, 24 դեկտեմբերի– Sputnik. Միսս Իրաք մրցույթի 20–ամյա հաղթող Շայմա Քասիմը հայտարարել է Sputnik Arabic–ին, որ ԻՊ (արաբերեն` ԴԱԻՇ) ահաբեկիչների կողմից չի ստացել սեռական ստրկության և սպանության սպառնալիքներ։
«Ինձ ոք չի սպառնացել սպանությամբ կամ որևէ այլ բանով»,– մեկնաբանել է Իրաքի գեղեցկության թագուհին։
Շայմա Քասիմի պաշտոնական ներկայացուցիչ և Միսս Իրաք մրցույթի ժյուրիի անդամ Սինան Քամելը նույնպես մեկնաբանել է Sputnik-ին, որ «Միսս Իրաքը չի ենթարկվել սպառնալիքների, իսկ այն ամենը, ինչ գրվել է ԶԼՄ–ներում և սոցիալական ցանցերում ԻՊ կողմից Շայմայի հասցեին, չհիմնավորված սուտ է»։
Ավելի վաղ մի քանի արաբական ԶԼՄ–ներ, հղում չանելով կոնկրետ աղբյուրների, հրապարակել էին չհաստատված տեղեկատվություն, թե ԻՊ գրոհայինները սպառնում են հաշվեհարդար տեսնել Միսս Իրաքի հետ, եթե նա հրաժարվի միանալ իրենց և այսպես կոչված` «սեքս ջիհադով» զբաղվել։
Շայմա Քասիմը 2015թ.–ի դեկտեմբերի 19–ին դարձել է «Իրաքի գեղեցկության թագուհի»։
