ԵՐԵՎԱՆ, 27 դեկտեմբերի — Sputnik. Այս երկու միջնադարյան եկեղեցիները մեծ պատմամշակութային արժեք են ներկայացնում, գրում է պարբերականը` առանձին պատմելով յուրաքանչյուրի ճարտարապետական կառուցվածքի մասին:
Այսպես, Սուրբ Բեթղեհեմ եկեղեցին կառուցվել է 17-րդ դարում և իրավամբ համարվում է Սպահանի գլխավոր տեսարժան վայրերից մեկը: Այն զարդարված է 72 գեղեցիկ որմնանկարներով: Իսկ Սուրբ Ստեփանոս վանքը, որը հայտնի է նաև Մաղարդավանք անունով, կառուցվել է IX դարում Ջուղայից 15 կմ դեպի հարավ-արևմուտք` Արաքս գետի աջ ափին, Մաղարդա լեռան ստորոտին: Վանքը զարդարված է XVII դարի որմնանկարներով, ինչպես նաև ուշ միջնադարին թվագրվող բազմաթիվ պատկերներով: 2008 թվականին Սուրբ Ստեփանոս վանքը ներառվել էր ՅՈՒՆԵՍԿՕ-ի Համաշխարհային ժառանգության ցուցակի «Իրանի հայկական եկեղեցիները» բաժնում:
Բրիտանական պարբերականի կազմած ամենագեղեցիկ եկեղեցիների թվում են նաև Սանկտ Պետերբուրգի Թափված արյան վրա փրկչի եկեղեցին, Կոլումբիայի Լաս Լախաս, Նորվեգիայի Բորգունդ, Վրաստանի Գերգետի քաղաքի Երրորդության, Եթովպիայի Սուրբ Գեորգիի և Բարսելոնայի Սուրբ ընտանիքի տաճարները: Ցուցակում ներառվել են աշխարհի տարբեր ծայրերում գտնվող ևս մի շարք եկեղեցիներ:
