ԵՐԵՎԱՆ, 9 հունվարի — Sputnik. Շտապօգնության գիտագործնական բժշկական կենտրոնի մամուլի քարտուղար Պյոտր Կրավեցը հայտնել է, որ պայթյունի հետևանքով տուժել է շուրջ 20 մարդ:
«Դեպքի վայրում աշխատում է շտապօգնության 9 անձնակազմ: 20 հոգու հիվանդանոց են տեղափոխել: Նրանց թվում երեխաներ կան», — ասել է Կրավեցը:
Նրա խոսքով` տուժածներից շատերը այրվածքներ են ստացել:
«Հիվանդներին ընդունելու հարցում մենք աջակցություն են խնդրել №1, «Սուրբ երրորդություն» հիվանդանոցներից ու Մոր և մանկան ինստիտուտից», — ասել է Կրավեցը:
Պայթյունը տեղի է ունեցել ժամը 13:22-ի սահմաններում Շտեֆան չել Մարե 64 հասցեում գտնվող ճաշարաններից մեկում: Դեպքի վայրում շարունակում են աշխատել բժիշկներն ու փրկարարները:
Նախնական վարկածով` դեպքը տեղի է ունեցել գազի բալոնի պայթյունի հետևանքով:
