01:11 25 սեպտեմբերի 2017
Ուղիղ եթեր
амфетамин, наркотик

«Թզուկ» մականունով նարկոբարոնը փորձել է գրանցել իր ապրանքանիշը

© CZM
Աշխարհ
Ստանալ կարճ հղումը
3 0 0

Խոակին Գուսման Լոերան տարվել է ապրանքանիշի գաղափարով, որը կներառեր ինչպես նրա ազգանունը, այնպես էլ մականունը

ԵՐԵՎԱՆ, 13 հունվարի- Sputnik. «Սինալոա» կարտելի առաջնորդ Խոակին Գուսման Լոերան, ում մականունը «Թզուկ» է, փորձել է Մեքսիկայում գրանցել իր անունով ապրանքանիշը, իր պորտալում հաղորդում է հայտնի մեքսիկացի լրագրող Կառլոս Լորետ դե Մոլան։

Նրա տվյալներով` «Թզուկը» նման փորձ է արել դեռ 2015թ.-ին, երբ գտնվել է «Ալտիպլանո» բանտում, որից հետագայում փախել է։ Իշխանությունները հաստատել են, որ Գուսման Լոերան կարգադրել է իր փաստաբաններին համապատասխան հարցումներ ներկայացնել ապրանքանիշի գրանցման համար, որն իր մեջ կներառեր ինչպես նրա ազգանունը, այնպես էլ մականունը, հաղորդում է ՌԻԱ Նովոստին։

Նարկոբարոնի պաշտպանությունն իսկապես փորձել է իրականացնել մտահաղացումը Մեքսիկայի արդյունաբերական սեփականության ինստիտուտ դիմելու միջոցով, սակայն մերժում է ստացել։ 2015թ.-ի հուլիսին «Թզուկը» ստորգետնյա թունելով փախել է բանտից, և ապրանքանիշի գրանցումը երկրորդ պլան է մղվել։

Միաժամանակ ԱՄՆ հագուստի վաճառքի ընկերություններից մեկն օգտվել է «Թզուկի» ձերբակալությունից և դրան նախորդած Rolling Stone ամսագրին տված դերասան Շոն Փենի հարցազրույցից։ Սոցիալական ցանցերում իր էջում ընկերությունը տեղադրել է անցած տարվա հոկտեմբերին Փենի հետ հանդիպման ժամանակ «Թզուկի» լուսանկարը։ Լուսանկարներում նարկոբարոնը կրել է այդ ընկերության կապույտ վերնաշապիկ։ Նման վերնաշապիկների վաճառքը կտրուկ աճել է` չնայած բարձր գնին` 128-135 դոլար։

Գուսման Լոերային ձերբակալել են այս տարվա հունվարի 8-ին Լոս Մոչիս քաղաքում հատուկ գործողության արդյունքում։ «Թզուկն» արդեն երրորդ անգամ է ընկել իրավապահ մարմինների ձեռքը։ Առաջին անգամ նրան ձերբակալել են Գվատեմալայում 1993թ.-ին և հանձնել Մեքսիկային։ 2001թ.-ին նա փախել է, երբ հայտնի է դարձել նրան ԱՄՆ-ին արտահանձնելու մտադրության մասին։ 13 տարի փախուստի մեջ գտնվելուց հետո նա կրկին ձերբակալվել է 2014թ.-ի փետրվարին Մասատլան քաղաքում։ 2015թ.-ին «Թզուկը» կրկին փախուստի է դիմել և ազատության մեջ գտնվել շուրջ կես տարի։

 

 

Գլխավոր թեմաներ