ԵՐԵՎԱՆ, 29 հունվարի — Sputnik. Կաթին փոխարինող կերերով կերակրվող նորածինների IQ-ի ցածր մակարդակն ու թերզարգացումը Երկրի տնտեսությանն արժենում է տարեկան մոտ 300 մլրդ դոլար, Lancet ամսագրում տպագրված հոդվածում հայտնում են գիտնականները։
«Կրծքով կերակրելու ավանդույթը տնտեսական իմաստ ունի ինչպես հարուստների, այնպես էլ աղքատների համար, և մեր ուսումնասիրությունները հաստատում են այդ փաստը։ Կրծքով կերակրելը բացառիկ ձևով օգնում է և մորը և երեխային, սակայն իր երեխային ինքնուրույն կերակրող մայրերը բավական քիչ են, ու որոշ երկրներում այդ թիվը նաև նվազում է։ Մենք հույս ունենք, որ մեր ուսումնասիրությունը դրական ազդեցություն կունենա», — հայտնել է Պելոտոս քաղաքի (Բրազիլիա) Դաշնային համալսարանի գիտնական Սիզար Վիկտորը։
Վիկտորն ու նրա գործընկերները ցույց են տվել, որ մարդկությունը մանկական արհեստական կաթի ու չոր կերերի պատճառով մեծ գումարներ է կորցնում։ Այդ պատճառով գիտնականները վերլուծել ու միավորել են 1000-ից ավել ուսումնասիրությունների արդյունքները։ Այդ ուսումնասիրությունների հեղինակները ուսումնասիրել են, թե ինչ մայրական կաթն ու չոր կերերը ազդեցություն են ունենում երեխաների ու մայրերի առողջության վրա։
Ինչպես ցույց է տվել ուսումնասիրությունը, մայրական կաթից չոր կերի անցումը մի շարք բացասական հետևանքների է հանգեցնում`միջինը 3 կետով նվազում է երեխայի IQ-ն, ինչպես նաև մայրերի կրծքագեղձի ու ձվարանների քաղցկեղի առաջացման պատճառ է դառնում, իսկ նորածնի մոտ կարող են ի հայտ գալ շնչառական ինֆեկցիաներ ու մարսողության խնդիրներ։
