ԵՐԵՎԱՆ, 3 փետրվարի — Sputnik. Ճապոնական հայտնի ընկերություններից մեկը որոշել է Հարի Փոթերի և նրա ընկերների մասին անիմե ստեղծել, հայտնում է Kotaku-ն։
Կայքում արդեն հրապարակվել են վեպի հերոսների պատկերները։
«Հարի Փոթերի պատկերով նաև թղթապանակներ, բանալիների կախոցներ ու այլ ապրանքները կարտադրվեն, դրանք կլինեն սահմանափակ քանակությամբ»,- ասված է հաղորդագրության մեջ։
Ճապոնացի նկարիչները համապատասխան արտոնագիրը ստացել են այն ընկերությունից, որին պատկանում են ֆիլմի իրավունքները։ Արտադրողները հույս ունեն, որ իրենց արտադրանքը մեծ պահանջարկ կունենա։
Ջոան Ռոուլինգի վեպի հիման վրա նկարահանված ֆիլմաշարը, որը պատմում է Հարի Փոթերի և նրա ընկերների մասին, ստեղծվել է 2001-2011 թվականների ընթացքում։
