14:38 21 սեպտեմբերի 2017
Ուղիղ եթեր
Певица Джамала

Հայկական ծագումով երգչուհին Եվրատեսիլում կներկայացնի Ուկրաինան

© Sputnik/ Игорь Зарембо
Աշխարհ
Ստանալ կարճ հղումը
32 0 0

Ազգային մրցույթի եզրափակիչ փուլում ժյուրին երգչուհուն երկրորդ տեղն է տվել, սակայն որոշիչ է դարձել հանդիսատեսի ձայնը

ԵՐԵՎԱՆ, 22 փետրվարի- Sputnik. Ուկրաինացի հայտնի երգչուհի Ջամալան Ուկրաինան կներկայացնի Ստոկհոլմում կայանալիք «Եվրատեսիլ 2016» երգի մրցույթում։ Ազգային ընտրության արդյունքում հանդիսատեսը հենց նրան է ընտրել, հայտնում է ՈՒՆԻԱՆ-ը։

Ազգային ընտրության ժյուրիի անդամները` պրոդյուսեր Կոնստանտին Մելաձեն, Ռուսլանան (2004թ.-ին Եվրատեսիլի հաղթողը) և Անդրեյ Դանիլկոն (Եվրատեսիլ 2007-ում երկրորդ տեղը), ավելի շատ միավորներ են տվել The Hardkiss խմբին։ Սակայն հանդիսատեսն ընտրել է Ջամալային։

Ջամալայի իսկական անունը Սուսաննա Ջամալադինովա է։ Նա ծնվել է ղրիմցի թաթարի և հայուհու ընտանիքում։ Ջամալան ճանաչում է ձեռք բերել «Նոր ալիք 2009» մրցույթից հետո։

32-ամյա երգչուհին ազգային ընտրության համար գրել է «1944» երգը, որի համար նրան ոգեշնչել է նախատատի պատմությունը։ Նրա ընտանիքն այդ տարեթվի հետ կապված ծանր հիշողություններ ունի։ Խոսքը ղրիմ-թաթարական ժողովրդի բռնի արտաքսման մասին է։

 

 

Գլխավոր թեմաներ