ԵՐԵՎԱՆ, 22 փետրվարի — Sputnik. Տալլինի պատմության թանգարանում կցուցադրվի աշխարհի ամենաթանկ մետաղադրամը, որն ԱՄՆ-ում հատած առաջին դոլարն է։ Այս մետաղադրամը 2013 թվականին կայացած աճուրդում վաճառվել է ավելի քան 10 միլիոն դալարով, գրում է ՌԻԱ Նովոստին` հղում անելով Postimees թերթին։
1794թ.-ին հատած, Flowing Hair անունը կրող արծաթյա դոլարը (դրամի վրա պատկերված է Ազատության աստվածուհին՝ արձակած մազերով) առաջին մետաղադրամն է, որը հատվել է ԱՄՆ-ի` այն ժամանակվա մայրաքաղաք Ֆիլադելֆիայում։ Այդ մետաղադրամն իր ձեռքում է պահել նաև ԱՄՆ–ի առաջին նախագահ Ջորջ Վաշինգտոնը։
Եվրոպայում մետաղադրամների մատակարարման խոշորագույն ընկերություններից մեկը՝ Samlerhuset Group-ը, յուրահատուկ դրամի ցուցադրությունը կկազմակերպի Եվրոպայի 8 մայրաքաղաքում։ Փետրվարին Flowing Hair-ն արդեն եղել է Պրահայում, Վարշավայում, իսկ հիմա՝ Տալլինում։ Մետաղադրամը կցուցադրվի նաև Հելսինկիում, Ստոկհոլմում, Օսլոյում, Դուբլինում և Լոնդոնում։
Աշխարհի ամենաթանկ մետաղադրամը 2013թ.–ին գնել էր ամերիկացի գործարար Բրյուս Մորելանը։
Մետաղադրամից բացի, ցուցահանդեսում կարելի է տեսնել նաև Անկախության հռչակագրի առաջին տպաքանակի պաստառը։
