ԵՐԵՎԱՆ, 19 փետրվարի — Sputnik. Լեոնարդո դի Կապրիոն ԱՄՆ կինոակադեմիայի «Օսկար» մրցանակի արժանացավ «Տարվա լավագույն դերասան» անվանակարգում` «Փրկվածը» ֆիլմում գլխավոր դերի համար:
Այս կատեգորիայում նրա մրցակիցն էր 2015 թվականի հաղթող Էդի Ռեդմեյնը («Դանիացի աղջիկը»), Բրայան Քրենսթոնը («Տրամբո»), Մայքլ Ֆասբենդերը («Սթիվ Ջոբս»), Մեթ Դեյմոնը («Մարսեցին»):
Մրցանակը ստանալիս դերասանը շնորհակալություն է հայտնել ակադեմիային ու բոլոր գործընկերներին։ Նրա խոսքով` «Փրկվածը» ֆիլմը «անհավանական անձնակազմի աշխատանքի արդյունք էր»։
Ելույթի վերջում Դի Կոպրիոն կրկին հիշեցրեց, որ «կլիմայական փոփոխություններն իրական են»։ «Սա իրական վտանգ է, որը սպառնում է աշխարհին ու բոլորին», — ասաց նա։
Դի Կապրիոն հայտնի է «Տիտանիկ», «Ուրացողները», «Սկիզբ», «Արյունոտ ադամանդ», «Գայլը Ուոլ սթրիթից» և այլ ֆիլմերում իր դերակատարումներով։ Իր ողջ կարիերայի ընթացքում դերասանը 6 անգամ առաջադրվել է «Օսկարի», սակայն առաջին անգամ է մրցանակի արժանացել։ Առաջին անգամ նա արձանիկին հավակնում էր 18 տարեկանում «Ի՞նչն է անհանգստացնում Ջիլբերտ Գրեյփին» ֆիլմում երկրորդ պլանի դերի համար։ Անցյալ տարի նրան առաջադրել են երկու անգամ` որպես «Գայլը Ուոլ սթրիթից» ֆիլմի դերասան և պորդյուսեր, սակայն մրցանակները ստացան Մեթյու Մակոնահին ու Ալեխանդրո Գոնսալես Ինյարիտուն։
«Փրկվածը» ֆիլմի համար 41-ամյա Դի Կապրիոն ավելի վաղ արժանացել էր «Ոսկե գլոբուս» մրցանակի` դառնալով դրա եռակի դափնեկիր, ԱՄՆ Critics' Choice Awards կինոքննադատների ասոցիացիայի մրցանակի։