10:10 23 օգոստոսի 2017
Ուղիղ եթեր
Развалины древнего города Пальмира

Փալմիրան ազատագրված է

© Sputnik/ Дмитрий Виноградов
Աշխարհ
Ստանալ կարճ հղումը
26 0 0

Սիրիական բանակի հրամանատարությունը հաստատել է Փալմիրայի ազատագրման փաստը

ԵՐԵՎԱՆ, 27 մարտի — Sputnik. Սիրիական բանակի հրամանատարությունը պաշտոնապես հայտնել է ազգային ավիացիայի և ՌԴ ՕՏՈՒ-ի աջակցությամբ «Իսլամական պետություն» ահաբեկչական խմբավորման գրոհայիններից Փալմիրան ազատագրելու մասին:

Ավելի վաղ հայտնի էր դարձել, որ Փալմիրայում մարտերը դադարել են, ճնշվել են ահաբեկիչների հակազդման վերջին փորձերը: Բանակն ու աշխարհազորայիններն ամբողջությամբ վերահսկում են քաղաքը, ականազերծողները սկսել են աշխատանքները փողոցներում: Փալմիրան, որի հնագույն ավերակները Սիրիայում ՅՈՒՆԵՍԿՕ-ի Համաշխարհային ժառանգության 6 օբյեկտներից մեկն են, գտնվում էր ԻՊ վերահսկողության տակ 2015 թվականի մայիսի կեսերից:

«Մի շարք զանգվածային գործողություններից հետո մեր ստորաբաժանումները արևելյան մասում գտնվող Հոմս գավառի ուղղությամբ սիրիական ու ռուսական ավիացիայի աջակցությամբ հաջողությամբ ավարտեցին իրենց առաքելությունը և Փալմիրա քաղաքին վերադարձրին անվտանգությունն ու կայունությունը, ինչպես նաև վերահսկողություն սահմանեցին շրջապատող բարձունքներում», — SANA պետական գործակալությունը մեջբերում է բանակի հայտարարությունը:

Ռուսաստանի նախագահ Վլադիմիր Պուտինն անցյալ շաբաթ Սիրիայից վերադարձած ռուս զինծառայողների առջև ելույթ ունենալիս համոզմունք էր հայտնել, որ սիրիական Փալմիրա քաղաքն ազատագրվելու է ԻՊ գրոհայիններից: ՌԴ-ում Սիրիայի դեսպան Ռիադ Հադադն իր հերթին նշել էր, որ բանակը պատրաստ է Փալմիրայի ազատագրմանը ՌԴ ՕՏՈՒ աջակցության շնորհիվ, որը Սիրիայում էր գտնվում 2015 թվականի աշնանից:

 

 

 

Գլխավոր թեմաներ