20:27 26 սեպտեմբերի 2017
Ուղիղ եթեր
Пан Ги Мун

ՄԱԿ–ի գլխավոր քարտուղարը ապրիլի վերջին կայցելի Հայաստան

Фотохост-агентство
Աշխարհ
Ստանալ կարճ հղումը
22 0 0

Ենթադրվում է, որ Պան Գի Մունը կայցելի Հարավային Կովկասի տարածաշրջան։ Նա միայն մեկ անգամ եղել է Վրաստանում, իսկ ՄԱԿ–ի գլխավոր քարտուղարի պաշտոնը ստանձնելուց հետո երբևէ չի այցելել Ադրբեջան և Հայաստան։

ԵՐԵՎԱՆ, 1 ապրիլի — Sputnik. ՄԱԿ-ի գլխավոր քարտուղար Պան Գի Մունն ապրիլի վերջին նախատեսում է առաջին անգամ պաշտոնական այցով լինել Ադրբեջանում և Հայաստանում, ինչպես նաև երկրորդ անգամ այցելել Վրաստան, — գրում է euronews-ը։

«Ես կոնկրետ ամսաթվեր չեմ կարող նշել, սակայն այցը տեղի կունենա մոտ ժամանակներս ՄԱԿ-ի կլիմայի մասին փարիզյան համաձայնագրի ստորագրման արարողությունից հետո (ապրիլի 22 — խմբ.)», — ասել է աղբյուրը։

ՄԱԿ-ի գլխավոր քարտուղարի պաշտոնական ներկայացուցիչ Ստեֆան Ջարիկը հինգշաբթի չի հաստատել, սակայն նաև չի ժխտել նախատեսվող այցի մասին տեղեկատվությունը։

«Մենք չենք կարող հաստատել դա, սակայն հուսով եմ, որ շուտով մենք այդ մասին ասելիք կունենանք», — ասել է նա։

Պան Գի Մունը Վրաստան է այցելել 2007 թվականի հունիսին` Թբիլիսիում կարճատև կանգառ կատարել Աֆղանստանից Եվրոպա մեկնելու ճանապարհին։ Նա հանդիպել է Միխեիլ Սահակաշվիլու հետ, ով այն ժամանակ զբաղեցնում էր երկրի նախագահի պաշտոնը։ Գլխավոր քարտուղարի գրասենյակի կայքում տեղադրված տեղեկատվության համաձայն, երբ Պան Գի Մունը ստանձնել է ՄԱԿ-ի ղեկավարի պաշտոնը, նա Ադրբեջան և Հայաստան չի այցելել ընդհանրապես։

 

 

Գլխավոր թեմաներ