03:10 21 օգոստոսի 2017
Ուղիղ եթեր
Пан Ги Мун

ՄԱԿ–ի գլխավոր քարտուղարը կոչ է արել դադարեցնել ընդհարումը Լեռնային Ղարաբաղում

Фотохост-агентство
Աշխարհ
Ստանալ կարճ հղումը
3701

Հակամարտության կողմերը պետք է լիարժեք կատարեն հրադադարի համաձայնագիրը, հայտարարել է ՄԱԿ–ի գլխավոր քարտուղար Պան Գի Մունը։ Առավոտյան Հայաստանն ու Ադրբեջանը հայտարարեցին Լեռնային Ղարաբաղի շփման գծում իրավիճակի սրման մասին

ԵՐԵՎԱՆ, 3 ապրիլի — Sputnik. ՄԱԿ-ի գլխավոր քարտուղար Պան Գի Մունը մտահոգություն է հայտնել Լեռնային Ղարաբաղում ծանր սպառազինության օգտագործման և բազմաթիվ զոհերի հետ կապված։

Ինչպես նշվում է շաբաթ օրը ՄԱԿ-ի մամուլի ծառայության տարածած հայտարարության մեջ, գլխավոր քարտուղարը «հակամարտության հետ կապ ունեցող բոլոր կողմերին կոչ է անում անհապաղ վերջ դնել զինված գործողություններին, լիարժեք կատարել հրադադարի մասին համաձայնագիրը և անմիջապես քայլեր ձեռնարկել իրավիճակի սրումը թուլացնելու համար»։

«Գլխավոր քարտուղարը խորապես մտահոգված է Լեռնային Ղարաբաղի հակամարտության գոտում շփման գծի երկայնքով հրադադարի ռեժիմի մեծամասշտաբ խախտման մասին վերջին հայտարարություններով։ Նրան առավել անհանգստացնում է ծանր սպառազինության և մեծաքանակ զոհերի մասին հաղորդումները, այդ թվում` քաղաքացիական բնակչության շարքերում», — հայտնել են համաշխարհային կազմակերպության մամուլի ծառայությունից։

Այս կապակցությամբ Պան Գի Մունը հաստատել է ԵԱՀԿ ՄԽ-ին և բոլոր այն կողմերին իր աջակցությունը, որոնք աշխատում են «այս վտանգավոր իրավիճակի կարգավորման ուղղությամբ և նրանց, ովքեր հետամուտ են բանակցությունների միջոցով Լեռնային Ղարաբաղի հակամարտության խաղաղ հանգուցալուծմանը»։

 

 

 

Գլխավոր թեմաներ