12:24 22 հուլիսի 2018
Ուղիղ եթեր
  • USD480.62
  • GBP625.72
  • EUR560.16
  • RUB7.58
Портфель

Ավստրալիացի դպրոցականը վարչապետ է դարձել

© Slate
Աշխարհ
Ստանալ կարճ հղումը
1710

Ավստրալիացի դպրոցական Օրլի Ֆենելոնը Վիքիպեդիայում էջ է բացել, որտեղ իր մասին տվյալներ գրելուց հետո սեփական անունն ավելացրել է երկրի վարչապետների ցանկում։ Այս մասին հայտնում է Mashable–ը

ԵՐԵՎԱՆ, 15 ապրիլի – Sputnik. Ֆենելոբը «դարձել է» Ավստրալիայի երեսուներորդ վարչապետը, սակայն այս պաշտոնում երկար «մնալ» չի կարողացել, քանի որ ընդամենը երկու օր անց այդ տեղեկությունը հեռացվել է Վիքիպեդիայից։ Առցանց հանրագիտարանի աշխատակազմն արգելափակել է Ֆենելոնի էջը, որպեսզի նա նոր «շտկումներ» չկարողանա կատարել։ Այն մասին, որ իրեն առանձնապես ուրախ չեն տեսնել այդ պաշտոնում, տղան գրել է Twitter-ի իր էջում։

Ավստրալիայի «նոր վարչապետն» իր վրա է սևեռել սոցցանցների ուշադրությունը։ Ամենաերիտասարդ «վարչապետին» է անդրադարձել նաև Canberra Times-ի լրագրող Թամ Մակիլրոյը։

Տղան պատմել է, որ իր քայլով ցանկանում էր մի քանի like հավաքել Instagram-ում, սակայն ոչ մի կերպ չէր պատկերացնում, որ իր կատակը նման մեծ արձագանք կունենա։

Ֆենելոնն ավելացրել է, որ եթե իրականում Ավստրալիայի վարչապետ դառնա, ապա լուրջ բարեփոխումներ կանի երկրում։ Օրինակ` կհայտարարի, որ քյաբաբն ազգային ուտելիք է։

Այսօրինակ հետաքրքիր և լրահոսից դուրս մնացած այլ նորություններին հետևեք նաև Sputnik Արմենիա ռադիոկայանի «Ուրիշ նորություններ» հաղորդաշարի շրջանակում։

 

 

Գլխավոր թեմաներ