15:01 23 հոկտեմբերի 2018
Ուղիղ եթեր
  • USD484.13
  • GBP630.63
  • EUR556.80
  • RUB7.41
Портал Sputnik

Թուրքիայի դատարանը հաստատել է Sputnik գործակալության կայքն արգելափակելու որոշումը

© Sputnik /
Աշխարհ
Ստանալ կարճ հղումը
16 0 0

Թուրքիայի դատարանը հաստատել է ռուսական Sputnik լրատվական գործակալության արգելափակման որոշումը, որն ավելի վաղ կայացրել էր Թուրքիայի կապի և հեռահաղորդակցության վարչությունը

ԵՐԵՎԱՆ, 16 ապրիլի — Sputnik. Անկարայի Գյոլբաշի շրջանի դատարանը հաստատել է Թուրքիայի հեռահաղորդակցությունների կապի վարչության այն որոշումը, որի համաձայն՝ երկրի տարածքում մի շարք կայքեր արգելափակվել են, այդ թվում՝ ռուսական Sputnik գործակալության կայքը, հայտնում է ՌԻԱ Նովոստին` հղում անելով Anadolu գործակալությանը:

Գործակալության տվյալով՝ բացի Sputnik-ի կայքից, արգելափակել են նաև Dicle լրատվական գործակալության կայքէջը, ինչպես նաև Twitter-ի մի շարք էջեր: Համապատասխան պահանջով գերատեսչությանն էր դիմել Թուրքիայի կառավարությանն առընթեր Անվտանգության հարցերի գլխավոր վարչությունը:

Վարչության ներկայացուցիչները պնդում են, որ նշված կայքերի և Twitter-ի ադիմինիստրատորները չեն ջնջում ահաբեկչությունը քարոզող գրառումները, ինչպես նաև բռնությունն ու հանցագործությունը խրախուսող տեքստերը, ինչը, գերատեսչության կարծիքով, վտանգավոր է հասարակական կարգի և ազգային անվտանգության համար:

Գյոլբաշի շրջանի դատարանը որոշել է, որ «պահանջը տեղին է և ուղղված է կյանքի, սեփականության ու քաղաքացիների պաշտպանությանը, ինչպես նաև ազգային անվտանգությանը, հասարակական կարգի պահպանմանն ու հանցագործության կանխարգելմանը»:

Թուրքիայում Sputnik գործակալության կայքն արգելափակվել է ապրիլի 14-ին։ Sputnik Թուրքիայի գլխավոր խմբագիր Թուրալ Քերիմովի խոսքով` ուրբաթ օրը Թուրքիայի հեռահաղորդակցությունների կապի վարչությունը (TIB) հաստատել է կայքի արգելափակումը, սակայն ոչ մի բացատրություն չի ներկայացրել։ Քերիմովն ասել է, որ ներկա պահին ներկայացուցչությունը պաշտոնական հարցում է ուղարկել` ավելի մանրամասն տեղեկատվություն ստանալու համար։

Sputnik —ի արգելափակումը ԶԼՄ-ների աշխատանքը սահմանափակելու առաջին դեպքը չէ Թուրքիայում: Մարտի 4-ին Թուրքիայի իշխանությունները խուզարկություն էին անցկացրել Feza Media Group հոլդինգում և Zaman թերթի խմբագրությունում: Վերջինը պաշտոնական դիրքորոշման հետ չհամընկնող կարծիքներ էր հրապարակել: Ստամբուլում լրագրողների հալածանքների դեմ բողոքի ակցիա էր կազմակերպվել, որը դաժանաբար ճնշվել էր ոստիկանության կողմից: Ոստիկանությունը ցուցարարներին ցրելու համար արցունքաբեր գազ էր կիրառել:

 

Գլխավոր թեմաներ