23:14 17 հուլիսի 2018
Ուղիղ եթեր
  • USD480.37
  • GBP636.68
  • EUR563.47
  • RUB7.69
Жизнь в городе Алеппо

Հալեպում գրոհայինների կրակոցների հետևանքով 4 մարդ է զոհվել

© Sputnik / Михаил Алаеддин
Աշխարհ
Ստանալ կարճ հղումը
12 0 0

Գրոհայինները հերթական անգամ ականանետներով գնդակոծել են Հալեպի հայաբնակ թաղամասը

ԵՐԵՎԱՆ, 16 ապրիլի — Sputnik. Սիրիայի Հալեպ քաղաքի Միդան թաղամասի հերթական գնդակոծության հետևանքով 4 մարդ է զոհվել, հայտնում է ՌԻԱ Նովոստին` հղում անելով SANA գործակալությանը:

Կրակոցներ էին հնչել նաև ապրիլի 14-ին, սակայն տուժածներ և զոհեր չէին եղել:

«Ահաբեկիչները գնդակոծել են Միդան թաղամասը, ինչի հետևանքով զոհվել են նույն ընտանիքի 4 անդամները, վնասվել են մի շարք տներ», — հայտնում է աղբյուրը:

Նա նշել է, որ մեկ այլ թաղամասում բնակիչների ուղղությամբ կրակ են բացել դիպուկահար-ահաբեկիչները: Զոհվել է մեկ մարդ, ևս մեկը վնասվածք է ստացել:

Հալեպի տարբեր շրջաններում «Ջեբհաթ ան Նուսրա» խմբավորման հետ համագործակցող ահաբեկչական այլ խմբավորումներ են գործում:

Պաշտոնական տվյալների համաձայն` Հալեպում, ինչպես նաև ողջ Սիրիայում հրադադարի ռեժիմ է սահմանված։ Սիրիայի ռազմական հրամանատարությունը բազմիցս հայտնել է, որ զինված խմբավորումները պարբերաբար խախտում են հրադադարի ռեժիմը։

Սիրիական ճգնաժամից առաջ Հալեպը Սիրիայի ամենամարդաբնակ քաղաքներից մեկն էր։ Քաղաքում բնակվող սիրիացի քրիստոնյաների զգալի մասն Ուրֆա քաղաքից են (Թուրքիա) և հայերեն են խոսում։ Հայ առաքելական եկեղեցին մեծ համայնք ունի քաղաքում։

 

 

Գլխավոր թեմաներ