ԵՐԵՎԱՆ, 26 ապրիլի — Sputnik. Sputnik.Կարծիք նախագծի հարցման տվյալների համաձայն` ֆրանսիացիների ճնշող մեծամասնությունը (64%) կարծում է, որ Աֆրիկայից և Մերձավոր Արևելքից եկած փախստականները հանցագործության աղբյուր են հանդիսանում։ Տվյալները ստացվել են Ifop հայտնի ֆրանսիական հետազոտական ընկերության անցկացրած հարցման արդյունքների հիման վրա։ Հարցումն անցկացվել է Sputnik լրատվական գործակալության և ռադիոյի համար։
Հարցումը ցույց է տվել, որ Ֆրանսիայի բնակիչներն ընդհանուր առմամբ տեղյակ են, թե ինչ հանցագործություններ են իրականացրել փախստականները, հարցվածների միայն 8%-ը չի կարողացել կոնկրետ պատասխան տալ հարցին։ Ֆրանսիացիների միայն 28%-ն է կարծում, որ երկրում փախստականների ներկայությունը չի ազդում հանցագործության աճի վրա։
Ֆրանսիայում հարցումն անցկացրել է IFop խոշորագույն հետազոտական ընկերությունը 2016 թվականի փետրվարի 3-5-ն ընկած ժամանակահատվածում։ Հարցմանը մասնակցել է 1499 քաղաքացի։ Ընտրանքն իրականացվել է ըստ հարցվածների սեռի, տարիքի, բնակության վայրի։
Հասարակական կարծիքի ուսումնասիրման միջազգային նախագիծը մեկնարկել է 2015 թվականի հունվարին։ Գործընկերն են Populus, Ifop և Forsa հայտնի հետազոտական ընկերությունները։
Sputnik.Կարծիք նախագծի շրջանակում կանոնավոր կերպով հասարակական կարծիքի հարցումներ են անցկացվում Եվրոպայի և ԱՄՆ-ի երկրներում առավել արդիական սոցիալական և քաղաքական հարցերի վերաբերյալ։
Sputnik-ը (sputniknews.com) լրատվական գործակալություն է և ռադիո` տասնյակ երկրներում մուլտիմեդիոն տեղեկատվական ներկայացուցչություններով: Sputnik-ը ներառում է ավելի քան 30 լեզվով կայքեր, անալոգային և թվային ռադիոհեռարձակում, բջջային հավելվածներ և էջեր սոցիալական կայքերում։ Sputnik-ի լուրերը շուրջօրյա ռեժիմով թողարկվում են անգլերեն, արաբերեն, իսպաներեն և չինարեն լեզուներով: