11:19 19 օգոստոսի 2017
Ուղիղ եթեր
Թուրքիա

Թուրքիայում ԵՄ դեսպանը հրաժարական է տվել

© Sputnik/ Дмитрий Виноградов
Աշխարհ
Ստանալ կարճ հղումը
12 0 0

Թուրքիայում Եվրամիության ներկայացուցիչ Հանս–Յորգ Հաբերը լքում է իր պաշտոնը

ԵՐԵՎԱՆ, 14 հունիսի — Sputnik. Թուրքիայում Եվրոպական միության ներկայացուցչության ղեկավար Հանս-Յորգ Հաբերը պաշտոնաթող է եղել, հաղորդում է ՌԻԱ Նովոստին` հղում անելով Ռոյթերս գործակալությանը։

Պատճառները չեն նշվում։ Գործակալության տվյալով` Եվրամիության դեսպանն ավելի վաղ քննադատական մեկնաբանություններ է արել Եվրամիության և Թուրքիայի`միգրացիոն ճգնաժամի դեմ պայքարի վերաբերյալ համաձայնագրի կատարման առնչությամբ։

Մայիսին Թուրքիայի ԱԳՆ-ն Հաբերին կանչել էր, որպեսզի վրդովմունք հայտնի նրա ելույթի կապակցությամբ։ Դեսպանը հայտարարել էր, որ Թուրքիային ներկայացված 72 չափանիշները, որոնք երկիրը պետք է կատարեր առանց վիզայի ռեժիմ սահմանելու համար, որոշվել են դեռ 2013թ.-ին։ Հաբերն ասել էր. «Մենք ասացվածք ունենք`սկսել թուրքի նման, ավարտել գերմանացու։ Սակայն այստեղ ամեն ինչ հակառակն է»։ Թուրքիայի` Եվրամիության հարցերի նախարար Վոլկան Բոզկիրը նշել էր, որ այդ խոսքերը «հարիր» չեն դեսպանին։

Թուրքիայի նախագահ Թայիփ Էրդողանն իր հերթին Եվրամիությանը սպառնացել էր հրաժարվել միգրացիոն համաձայնագրից, եթե Եվրամիությունն իր երկրի քաղաքացիներին առանց վիզայի ռեժիմ չտրամադրի։ էրդողանը հայտարարել էր նաև, որ Թուրքիան չի վերանայի իր հակաահաբեկչական օրենսդրությունը, և Եվրամիությանը մեղադրել էր երկերեսանիության մեջ։

Գլխավոր թեմաներ