12:15 22 մայիսի 2018
Ուղիղ եթեր
Ինքնաթիռ

Eurowings-ի օդաչուն բացատրել է, թե ինչու է օդ բարձրացել առանց ուղևորների

© Тhejaan
Աշխարհ
Ստանալ կարճ հղումը
134 0 0

Առանց 90 ուղևորների Դյուսելդորֆի օդանավակայանից օդ բարձրացած Eurowings ընկերության ինքնաթիռի օդաչուն բացատրել է իր արարքը

ԵՐԵՎԱՆ, 19 հունիսի — Sputnik. Eurowings ընկերության ինքնաթիռի օդաչուն մոռացել էր ուղևորների մասին, քանի որ շտապում էր օդ բարձրանալ մինչ այն պահը, երբ քաղաքում կսկսեր գործել գիշերային թռիչքների արգելքը, հայտնում է ՌԻԱ Նովոստին` հղում անելով Rheinische Post թերթին:

Նախօրեին հայտնի էր դարձել, որ Eurowings ինքնաթիռը Դյուսելդորֆից Դրեզդեն է մեկնել` տասնյակ ուղևորների թողնելով օդանավակայանում: Ուղևորներին թռիչքի համար օդանավին մոտեցրել էին երկու ավտոբուսով: Առաջին ավտոբուսում գտնվող քառասուն ուղևորները հաջողությամբ հասցրել էին նստել ինքնաթիռ:

«Նա (օդաչուն — խմբ.) ժամանակից շուտ էր օդանավը օդ բարձրացրել, որպեսզի գոնե ուղևորների մի մասին Դրեզդեն հասցնի», — Eurowings-ի աշխատակցուհու խոսքերն է մեջբերում Rheinische Post թերթը: Ավիաընկերության մյուս ներկայացուցչի խոսքով` արգելվում է այն ինքնաթիռների թռիչքը, որոնք ժամը 21:49-ի դրությամբ դեռ պատրաստ չեն թռիչք իրականացնել:

Թերթի տվյալների համաձայն` չվերթն առանց այդ էլ երկու ժամ ուշացել էր. այն նախատեսված էր տեղի ժամանակով ժամը 19:05-ին:

Գլխավոր թեմաներ