10:17 23 օգոստոսի 2017
Ուղիղ եթեր
Կրթություն

Եվրոպացիները գոհ չեն իրենց երկրների կրթական համակարգից

© Sputnik/ Арам Нерсесян
Աշխարհ
Ստանալ կարճ հղումը
46 0 0

Եվրոպայի բնակչության մեծամասնությունը դժգոհում է տարրական և միջին դպրոցների կրթությունից։ Դժգոհողների մեջ գերակշռում են կանայք։

ԵՐԵՎԱՆ, 2 սեպտեմբերի — Sputnik-ի մամուլի ծառայություն. Sputnik.Կարծիք հարցման տվյալների համաձայն` Իտալիայի (64%), Ֆրանսիայի (63%) և Գերմանիայի (54%) բնակիչների մեծ մասը դժգոհ է իրենց երկրներում գործող տարրական և միջին դպրոցների կրթության համակարգից։

Ֆրանսիացիների միայն 28%-ը, իտալացիների և գերմանացիների 41%-ն է գոհ կրթական համակարգից։ Այս հարցին դժվարացել են պատասխանել Ֆրանսիայի բնակիչների 9%-ը, իտալացիների ու գերմանացիների 5%-ը։ Տվյալները ստացվել են Sputnik լրատվական գործակալության և ռադիոյի պատվերով Ifop հետազոտական ընկերության անցկացրած հարցման արդյունքում։

Իտալիայում տարրական և միջին դպրոցների համակարգից դժգոհողների թիվը մեծ է ինչպես 18-34 տարեկանների շրջանում (քաղաքացիների 62%-ը դժգոհ է, 33%-ը` գոհ), այնպես էլ 35-ից բարձր տարիքային խմբում (քաղաքացիների 65%-ը դժգոհ է, 30%-ը` գոհ)։ Երկու տարիքային խմբերում էլ «չգիտեմ» պատասխան է տվել հարցվածների 5%-ը։

Ֆրանսիայում ևս մինչև 35 և 35-ից բարձր տարիքային խմբերի պատասխանները տարբեր են։ 35 տարեկանից ցածր հարցվածների շարքում կրթական համակարգից դժգոհ է 53%-ը, 37%-ը գոհ է, «չգիտեմ» է պատասխանել 10%-ը։ 35 տարեկանից բարձր քաղաքացիների շարքում դժգոհողների թիվն ավելի մեծ է` 66%-ը, 25%-ը գոհ է, 9%-ն ասել է, որ չգիտի այդ հարցի պատասխանը։

Գերմանիայում բավական մեծ է տարբերությունը կանանց և տղամարդկանց պատասխանների միջև։ Հարցված կանանց 57%-ը դժգոհ է տարրական և միջին կրթական համակարգից, 38%-ին այն բավարարում է, և միայն 5%-ն է «չգիտեմ» պատասխանել։ Տղամարդկանց շարքում նման ցուցանիշները կազմել են 50%, 45% և 5%` համապատասխանաբար։

Մինչև 35 տարեկան հարցվածների կեսը` 50%-ը, գոհ է կրթական համակարգից, ավելի քիչ տոկոսը`47%-ը, դժգոհ է, իսկ «չգիտեմ» պատասխանել է ընդամենը 3%-ը։ 35 տարեկանից բարձր քաղաքացիներն ավելի մեծ դժգոհություն հայտնեցին կրթական համակարգից` 56%-ը դժգոհ է, 38%-ը` գոհ և 6%-ն էլ «չգիտեմ» պատասխանն է տվել։

Հարցում կրթական համակարգի մասին
Аракс Саркисян
Հարցում կրթական համակարգի մասին

 

Արևմտյան Գերմանիայի բնակիչները, որոնց դուր չի գալիս տարրական և միջին կրթական համակարգը, կազմում են 51%, գոհ է 44%-ը, 5%-ը պատասխանել է «չգիտեմ»։ Արևելյան Գերմանիայում դժգոհների թիվն ավելի մեծ է` 61%, 33% և 6%` համապատասխանաբար։ Եվ այն մարդկանց ամենաբարձր տոկոսը, ովքեր բացասական վերաբերմունք ունեն կրթական համակարգի վերաբերյալ, Բեռլինում է` 74%, 24%, 2%` համապատասխանաբար։

Հարցումն անցկացրել է Ֆրանսիայի հնագույն Ifop հետազոտական ընկերությունը 2016 թվականի հունիսի 28-ից հուլիսի 4-ը։ Հարցմանն, ընդհանուր առմամբ մասնակցել է 18 տարեկանից բարձր 3006 մարդ. Գերմանիայից`1000, Ֆրանսիայից` 1004 և Իտալիայից` 1002։ Ընտրանքն իրականացվել է ըստ հարցվածների սեռի, տարիքի և բնակության վայրի։ Տվյալների անճշտության առավելագույն մակարդակը կազմում է ավելի քան 3,1%` 95% վստահության հավանականության դեպքում:

Հասարակական կարծիքի ուսումնասիրման միջազգային նախագիծը մեկնարկել է 2015 թվականի հունվարին։ Գործընկերն են Populus, Ifop և Forsa հայտնի հետազոտական ընկերությունները։ Sputnik.Կարծիք նախագծի շրջանակում կանոնավոր կերպով հասարակական կարծիքի հարցումներ են անցկացվում Եվրոպայի և ԱՄՆ-ի երկրներում առավել արդիական սոցիալական և քաղաքական հարցերի վերաբերյալ։

Sputnik-ը (sputniknews.com) լրատվական գործակալություն է և ռադիո` տասնյակ երկրներում մուլտիմեդիոն տեղեկատվական ներկայացուցչություններով: Sputnik-ը ներառում է ավելի քան 30 լեզվով կայքեր, անալոգային և թվային ռադիոհեռարձակում, բջջային հավելվածներ և էջեր սոցիալական կայքերում։ Sputnik-ի լուրերը շուրջօրյա ռեժիմով թողարկվում են անգլերեն, արաբերեն, իսպաներեն և չինարեն լեզուներով:

Գլխավոր թեմաներ